សហគមន៍អន្តរជាតិ​បង្ហាញក្តីបារម្ភ​ពីបញ្ហា​សិទ្ធិមនុស្ស​នៅ​កម្ពុជា

ជាបន្តបន្ទាប់ កាលពីថ្ងៃទី៧ ខែតុលា រហូតដល់ថ្ងៃទី៩ ខែតុលា ឆ្នាំ២០២៤ សហភាពអឺរ៉ុប សហរដ្ឋអាមេរិក អង់គ្លេស និងអ្នករាយការណ៍ពិសេសទទួលបន្ទុកសិទ្ធិមនុស្ស ប្រចាំកម្ពុជា បានបង្ហាញក្តីកង្វល់ដាច់ដោយឡែកពីគ្នា ចំពោះស្ថានភាពសិទ្ធិមនុស្ស នៅកម្ពុជា។ សហគមន៍អន្តរជាតិទាំងនេះ ក៏បានថ្កោលទោសរាជរដ្ឋាភិបាលកម្ពុជា ដែលសហគមន៍អន្តរជាតិទាំងនេះ លើកឡើងថា រាជរដ្ឋាភិបាលកម្ពុជា បានប្រើប្រព័ន្ធតុលាការ ដើម្បីបំបិទសំឡេងអ្នកនយោបាយ សកម្មជនការពារបរិស្ថាន និងអ្នកសារព័ត៌មានឯករាជ្យ។

---