ព្រះសង្ឃ និងយុវជនមួយចំនួន ព្យាយាមដើរហែក្បួនរម្លឹកដល់មរណភាព លោក កែម ឡី

ចាប់តាំងពីថ្ងៃទី៨ រហូតដល់ថ្ងៃទី១០ ខែកក្កដានេះ ក្រុមអ្នកគាំទ្រលោកបណ្ឌិត កែម ឡី បានព្យាយាមជួបជុំនៅការ៉ាស់ប្រេងសាំងកាល់តិច នៅបូកគោ ក្នុងរាជធានីភ្នំពេញ ដែលជាកន្លែងឃាតក បាញ់សម្លាប់លោកបណ្ឌិត កែម ឡី កាលពីព្រឹកថ្ងៃទី១០ ខែកក្កដា ឆ្នាំ២០១៦ និងនៅកន្លែងបញ្ចុះសពរបស់លោកបណ្ឌិត កែម ឡី នៅផ្ទះស្រុកកំណើត ក្នុងភូមិអង្គតាកុប ឃុំលាយបូរ ស្រុកត្រាំកក់ ខេត្តតាកែវ។