លោក កឹម សុខា បន្តជួបទូតបរទេស ក្រោយតុលាការសម្រេចឈប់ឃុំឃាំងក្នុងផ្ទះ

ក្រោយពីទទួលបានការបន្ធូរបន្ថយលក្ខខណ្ឌនៃការឃុំខ្លួនពីតុលាការ ដែលបើកឲ្យមានសេរីភាព អាចចេញពីផ្ទះរួចមក លោក កឹម សុខា ប្រធានអតីតគណបក្សសង្គ្រោះជាតិ បានទទួលជួបទូតបរទេសប្រចាំកម្ពុជាជាបន្តបន្ទាប់ នៅផ្ទះរបស់ខ្លួន ក្នុងខណ្ឌទួលគោក រាជធានីភ្នំពេញ។

Kem Sokha meets with EU ambassador to Cambodia Carmen Moreno Source: Facebook

ចាប់​តាំង​ពី​ថ្ងៃ​ទី​១១​វិច្ឆិកា រហូត​​ដល់ថ្ងៃទី១៤វិច្ឆិកា គឺមានឯកអគ្គរដ្ឋទូតបារាំង អាមេរិក អាល្លឺម៉ង់ អូស្ត្រាលី សហភាពអឺរ៉ុប ជប៉ុន និងឯកអគ្គរាជទូតអង់គ្លេស ប្រចាំកម្ពុជា បានចូលជួប​​ម្តង​ម្នាក់ៗ ដាច់ដោយឡែកពីគ្នា​ ដើម្បីសួរសុខទុក្ខ​លោកកឹមសុខា ដល់ផ្ទះរបស់​លោក ដោយមានអ្នកកាសែតថតរូប​ផងដែរ​។