មហាសង្ក្រាន្តឆ្នាំថ្មី រណ្តាប់ទទួលទេវតា ការព្យាករណ៍ និងទំនាយផ្សេងៗ សម្រាប់ឆ្នាំម្សាញ់ ព.ស ២៥៦៩

ពិធីបុណ្យចូលឆ្នាំថ្មី ឆ្នាំម្សាញ់ សប្តស័ក ព.ស ២៥៦៩ ប្រារព្ធឡើង រយៈពេល ៣ថ្ងៃ នៅថ្ងៃទី១៤-១៥ និងថ្ងៃទី១៦មេសា ឆ្នាំ២០២៥ នេះ។ សង្ក្រាន្ត ឆ្នាំថ្មី ចូលនៅថ្ងៃចន្ទ ២រោច ខែចេត្រ ត្រូវនឹងថ្ងៃទី១៤ ខែមេសា គ្រិស្តសករាជ ឆ្នាំ២០២៥ នៅវេលាម៉ោង ០៤ និង ៤៨នាទី ទៀបភ្លឺ។ ទេពធីតា ព្រះនាម គោរាគៈទេវី ជាព្រះបុត្រីទី២ នៃកបិលមហាព្រហ្ម គង់នៅឋានចាតុម្មហារាជិកា ទ្រង់អម្ពរពណ៌លឿង លម្អនៅព្រះកាណ៌ដោយ សៀតផ្កាអង្គារបស្ស អភរណៈ កែវមុក្តា ភក្សាហារទ្រង់ តេលំ គឺសោយ ប្រេង ព្រះហស្តស្តាំ ទ្រង់ ព្រះខ័ន្ធ ព្រហស្តឆ្វេងទ្រង់ ឈើច្រត់ គង់ផ្ទំបិទព្រះនេត្រ លើខ្នងស្តេចព្យាសៈ គឺ ខ្លា ជាយានពាហនៈ។

---

🎧ស្តាប់​ផតខាស្តិ៍​ដទៃ​ទៀត​ជាភាសាខ្មែរ - Click here for more podcast in Khmer៕