ចូលឆ្នាំប្រពៃណីជនជាតិចិន វៀតណាម ឆ្នាំថ្មី ឆ្នាំខាលចាប់ផ្តើមឡើងនៅថ្ងៃទី១ ខែកុម្ភៈ ឆ្នាំ ២០២២នេះ។ តើវាមានន័យដូចម្តេច?
ឆ្នាំខាល ឬឆ្នាំខ្លាចាប់ផ្ដើមនៅថ្ងៃទី១ ខែកុម្ភៈ។ ប៉ុន្តែតើវាមានន័យយ៉ាងណា?
សម្រាប់អ្នកដែលមិនទាន់ដឹង មានឆ្នាំ ១២ នៅក្នុងរាសីចក្រចិន ដែលនីមួយៗដាក់ឈ្មោះតាមសត្វ និងត្រូវកំណត់ក្នុងវដ្ត ១២ ឆ្នាំ។ ឆ្នាំ ២០២២ តាមច័ន្ទគតិ គឺជាចុងបញ្ចប់នៃឆ្នាំឆ្លូវ និងការចាប់ផ្តើមនៃឆ្នាំខាល។
តើអ្នកកើតក្នុងឆ្នាំអ្វី ហើយមានន័យដូចម្តេច៖
កណ្តុរគឺជាសត្វទីមួយនៃរាសីចក្រចិន។ វាត្រូវបានផ្សារភ្ជាប់ជាមួយនឹងប្រាជ្ញា។ អ្នកដែលកើតនៅក្នុងឆ្នាំជូត (ឆ្នាំ២០២០, ២០០៨, ១៩៩៦, ១៩៨៤, ១៩៧២, ១៩៦០, ១៩៤៨ និងផ្សេងៗទៀតក្នុងចន្លោះពេល ១២ ឆ្នាំ) ត្រូវបានគេនិយាយថា មានភាពច្នៃប្រឌិត មានធនធាន និងមានការរៀបចំបានល្អ។
ឆ្នាំគោត្រូវបានផ្សារភ្ជាប់ជាមួយនឹងការឧស្សាហ៍ព្យាយាម។ អ្នកដែលកើតនៅក្នុងឆ្នាំឆ្លូវ (ឆ្នាំ 2021, 2009, 1997, 1985, 1973, 1949 និង 1937) ត្រូវបានគេនិយាយថារឹងមាំ អាចពឹងពាក់បាន និងមានការប្តេជ្ញា។
ឆ្នាំខ្លាត្រូវបានផ្សារភ្ជាប់ជាមួយនឹងភាពក្លាហាន។ អ្នកទាំងឡាយណាដែលកើតក្នុងឆ្នាំខាល (កើតក្នុងឆ្នាំ 2010, 1998, 1986, 1974, 1962, 1950 និង 1938) គេនិយាយថា មានឯករាជ្យ និងមានគំនិតយុត្តិធម៌។
ឆ្នាំទន្សាយត្រូវបានផ្សារភ្ជាប់ជាមួយនឹងការប្រុងប្រយ័ត្ន។ អ្នកដែលកើតក្នុងឆ្នាំ 2011, 1999, 1987, 1975,1963, 1951 និង 1939… ត្រូវបានគេចាត់ទុកថា មានការគិតគូរ និងកក់ក្តៅ។
ឆ្នាំនាគត្រូវបានផ្សារភ្ជាប់ជាមួយនឹងកម្លាំង។ អ្នកទាំងឡាយណាដែលកើតក្នុងឆ្នាំរោង (កើតក្នុងឆ្នាំ 2012, 2000, 1988, 1976, 1964, 1952 និង 1940) មានទំនោរជា ធ្វើការចុះសម្រុងជាមួយអ្នកដទៃ ប៉ុន្តែងាយនឹងគិតច្រើនជ្រុល។
ឆ្នាំពស់ត្រូវបានផ្សារភ្ជាប់ជាមួយនឹងភាពបត់បែន។ អ្នកទាំងឡាយណាដែលកើតក្នុងឆ្នាំម្សាញ់ (កើតក្នុងឆ្នាំ 2013, 2001, 1989, 1977, 1965, 1953 និង 1941) អាចមើលទៅសោះអង្គើយ ប៉ុន្តែមានការគិតរហ័ស និងការសម្រេចចិត្តខ្ពស់។
ឆ្នាំសេះត្រូវបានផ្សារភ្ជាប់ជាមួយនឹងការតស៊ូ។ អ្នកទាំងឡាយណាដែលកើតក្នុងឆ្នាំមមី (កើតក្នុងឆ្នាំ 2014, 2002, 1990, 1978, 1966, 1954 និង 1942) អាចឆាប់ខឹងឆេវឆាវ ដែលធ្វើឱ្យពួកគេប្រែប្រួលតាមអារម្មណ៍នៅពេលណាមួយ។
ឆ្នាំពពែមានទំនាក់ទំនងជាមួយសន្តិភាព។ អ្នកដែលកើតក្នុងឆ្នាំមមែ (កើតនៅឆ្នាំ 2015, 2003, 1991, 1979, 1967, 1955 និង 1943) ច្រើនតែមានចិត្តសប្បុរស និងចូលចិត្តសេពគប់មិត្តភក្តិ។
ឆ្នាំស្វាត្រូវបានផ្សារភ្ជាប់ជាមួយនឹងភាពវៃឆ្លាត។ ថ្វីបើមានការចង់ដឹងចង់ឃើញក៏ដោយ អ្នកដែលកើតក្នុងឆ្នាំវក (កើតក្នុងឆ្នាំ 2016, 2004, 1992, 1980, 1968, 1956 និង 1944) ជួនកាលអាចមានភាពក្រអឺតក្រទម និងគិតតែពីខ្លួនឯង។
ឆ្នាំមាន់ ត្រូវបានផ្សារភ្ជាប់ជាមួយនឹងភាពនឹងន។ អ្នកដែលកើតក្នុងឆ្នាំរកា (កើតនៅឆ្នាំ 2017, 2005, 1993, 1981, 1969, 1957 និង 1945) ត្រូវបានគេនិយាយថាមនុស្សខិតខំធ្វើការ ប៉ុន្តែឱ្យតម្លៃលើសេរីភាពរបស់ពួកគេ។
ឆ្នាំឆ្កែត្រូវបានផ្សារភ្ជាប់ជាមួយនឹងភាពស្មោះត្រង់។ អ្នកដែលកើតក្នុងឆ្នាំច (កើតក្នុងឆ្នាំ 2018, 2006, 1994, 1982, 1970, 1958 និង 1946) ត្រូវបានគេគិតថាជាអ្នកដែលពូកែសង្កេត និងអាចទុកចិត្តបាន។
ឆ្នាំជ្រូកត្រូវបានផ្សារភ្ជាប់ជាមួយនឹងភាពស្និទ្ធស្នាល រាប់អានមិត្តភក្តិ។ អ្នកដែលកើតក្នុងឆ្នាំកុរ (កើតក្នុងឆ្នាំ 2019, 2007, 1995, 1983, 1971, 1959 និង 1947) អាចជាសម្ភារៈនិយម ប៉ុន្តែប្រហែលជាមិនទទួលខុសត្រូវលើប្រាក់កាសរបស់ពួកគេទេ។
ទោះជាយ៉ាងណាក៏ដោយ កងរង្វង់រាសីចក្រថ្មីរបស់ឆ្នាំចិន ចាប់ផ្តើមនៅខែមករា ឬកុម្ភៈ តាមប្រតិទិនតាមចន្ទគតិ។ ដូច្នេះហើយ ប្រសិនបើអ្នកកើតក្នុងខែមករា ឬកុម្ភៈ អ្នកប្រហែលជាកើតក្នុងឆ្នាំនៃសត្វតំណាងឆ្នាំមុន។
គ្រូហុងស៊ុយ និងជាអ្នកផ្តល់ប្រឹក្សា Edgar Lok Tin Yung ពន្យល់បន្ថែមអំពីភាពស្មុគស្មាញនៃហោរាសាស្រ្តចិន។
ដោយដឹងថាឆ្នាំ 2022 ឆ្នាំខ្លាគឺជាឆ្នាំកំណើតរបស់ខ្ញុំ ខ្ញុំចង់ដឹង ចង់ស្តាប់ ដំបូន្មានរបស់ Lok Tin ពីព្រោះមានជំនឿថា សំណាងអាក្រក់នឹងកើតមានចំពោះមនុស្សនៅក្នុងកំឡុងឆ្នាំរាសីចក្ររបស់ពួកគេ (ជាន់ឆ្នាំ)។
ប៉ុន្តែ វាមិនមែនសាមញ្ញដូចការគិតនោះទេ។ អបិយជំនឿនៃសំណាងអាក្រក់ក្នុងអំឡុងពេល ជាន់ឆ្នាំ ត្រូវពិចារណាលើធាតុដែលបានកើតនៅក្នុងកងរាសីចក្រផងដែរ។
នៅក្នុងហោរាសាស្រ្តចិន យើងមើលធាតុផ្សេងៗគ្នា ដែលមាន ធាតុទឹក ធាតុឈើ ធាតុភ្លើង ធាតុដី និងធាតុដែក។
ធាតុរបស់ខ្ញុំគឺធាតុដី។ លោក ឡុក ទីន ពន្យល់ថា ទំនាក់ទំនងវាងធាតុដីនៅក្នុងតារាងរាសីរបស់ខ្ញុំ និងខ្លាធាតុទឹកឆ្នាំ 2022 មានន័យថា មានទ្រព្យសម្បត្តិកាន់តែប្រសើរ សម្រាប់ខ្ញុំក្នុងឆ្នាំនេះ។ ប៉ុន្តែទ្រព្យសម្បត្តិនោះនឹងមកជាលទ្ធផលនៃឆ្នាំដ៏មមាញឹក។
អ្នកណាដែលកើតក្នុងឆ្នាំខ្លានឹងរវល់ខ្លាំងនៅឆ្នាំនេះ។ ប៉ុន្តែអាស្រ័យលើថា តើធាតុ របស់អ្នកអំណោយផល ឬមិនអំណោយផល។ លោក ឡុក ទីន និយាយថា "ខ្លាខ្លះនឹងរវល់ ប៉ុន្តែគ្មានរង្វាន់ ខ្លាខ្លះនឹងរវល់ជាមួយរង្វាន់ នោះជាភាពខុសគ្នា" ។
វាមិនមែនគ្រាន់តែសម្រាប់អ្នកដែលកើតឆ្នាំខ្លាដូចខ្ញុំទេ ដែលគួរតែយកចិត្តទុកដាក់នោះ។ លោក ឡុក ទីន ពន្យល់ថា ឆ្នាំខ្លា ស្វា ពស់ និងជ្រូក បង្កើតបានជា 'ដួងតារាធ្វើដំណើរ' មានន័យថា "សញ្ញាសត្វទាំងបួននេះ មានទំនាក់ទំនងគ្នាយ៉ាងខ្លាំង ជាមួយឆ្នាំខ្លា ព្រោះវានៅក្នុងធាតុផ្សំនៃឆ្នាំខ្លា "។ ដូច្នេះអ្នកដែលកើតក្នុងឆ្នាំទាំងនោះ អាចនឹងទទួលឥទ្ធិពលនៃឆ្នាំខ្លាកាន់តែខ្លាំង។
លោកថាឆ្នាំខ្លានឹងឆុងជាពិសេសអ្នកដែលកើតក្នុងឆ្នាំស្វា។ “ស្វា និងខ្លា ស្ថិតក្នុងទិសដៅផ្ទុយគ្នា។ ដូច្នេះ វាដូចជាការប៉ះទង្គិចគ្នា»។
អ្នកកើតឆ្នាំស្វាគួររំពឹងថានឹងជួបការប្រែប្រួលច្រើនក្នុងឆ្នាំនេះ។
មិនថាអ្នកើតឆ្នាំណានោះទេ លោក ឡុក ទិន និយាយថា ឆ្នាំខាលនឹងនាំមកនូវការផ្លាស់ប្តូរចំពោះការធ្វើដំណើរ។
"ខែសីហាគឺជាខែនៃសត្វស្វា។ សត្វស្វា និងសត្វខ្លា ដាស់គ្នាទៅវិញទៅមក ដូច្នេះដួងតារានៃការធ្វើដំណើរ ឬថាមពលនៃការធ្វើដំណើរនឹងរះខ្លាំងឡើង” លោកនិយាយ។ "ការព្យាករណ៍របស់លោក គឺថានៅក្នុងខែកក្កដា / សីហា ខាងមុខនេះ ការធ្វើដំណើរ នឹងកើតឡើងវិញកាន់តែច្រើន។"
ឆ្នាំ 2022 ឆ្នាំខ្លាត្រូវនឹងធាតុទឹក។ លោក ឡុក ទីន ពន្យល់ថា ទឹកបង្ហាញពីការភ័យខ្លាច; នេះគឺជាហេតុផលដែលថា ការធ្វើដំណើរទំនងជាមិនចាប់ផ្តើមឡើងនោះទេ រហូតដល់ឆមាសទីពីរនៃឆ្នាំនេះ។
នៅពេលដែលការធ្វើដំណើរចាប់ផ្តើមបន្តឡើងវិញ លោក ឡុក ទិន ទាយថា នឹងនាំមកនូវសេចក្តីរីករាយ។ លោកនិយាយថា "ឆ្នាំខ្លាក៏ជាកន្លែងកំណើតនៃភ្លើង"ផងដែរ ។ “ថាមពលភ្លើងគឺជាសេចក្តីរីករាយ និងសុភមង្គល។ ដូច្នេះចាប់ពីឆ្នាំនេះទៅ សុភមង្គលនឹងកើតឡើង»។
លោក ពន្យល់ថា ហោរាសាស្រ្តចិនទទួលស្គាល់ថា យើងគ្រប់គ្រងដោយលាភសំណាងបីកម្រិត; លាភសំណាងឋានសួគ៌ ភាពសំណាងលើភពផែនដី និងលាភសំណាងរបស់មនុស្ស។
"ឋានសួគ៌គឺជាអ្វីដែលយើងមិនអាចគ្រប់គ្រងបាន" ។ សំណាងផែនដីអាចគ្រប់គ្រងបានក្នុងកម្រិតដែលវាទាក់ទងនឹងបរិយាកាស និងគោលការណ៍ហុងស៊ុយ។ សំណាងរបស់មនុស្សគឺជាអ្វីដែលយើងអាចគ្រប់គ្រងបានច្រើនបំផុត។ ដែលលោកថា "លាភសំណាងមនុស្សគឺជារបៀបដែលអ្នកប្រព្រឹត្ត របៀបដែលអ្នកមើលថែទាំខ្លួនឯង"៕
