ប្រសាសន៍ផ្ទាល់របស់លោក Turnbull៖ "លោកប្រធានាធិបតីបានប្តេជ្ញាថាគោរពតាមកិច្ចព្រមព្រៀងដែលបានធ្វើឡើងដោយប្រធានាធិបតីមុន។ រឿងនោះបានអះអាងឡើងប៉ុន្មានដងមកហើយ ហើយវាគឺជាចំណុចសំខាន់ដែលថាកិច្ចព្រមព្រៀងនេះនឹងបន្តទៅមុខទៀត ព្រោះថាវានឹងជួយដល់យើងក្នុងការជ្រើសរើសទីជម្រកថ្មីយ៉ាងពិតប្រាកដដល់អ្នកដែលកំពុងជាប់នៅលើកោះម៉ានុស និងកោះណាវរុ ដែលពិតណាស់ដោយសារតែបក្សលេប័របានទុកពួកគេចោលនៅទីនោះខណៈដែលពួកគេបរាជ័យមិនអាចរក្សាការពារសន្តិសុខនៅព្រំដែនរបស់យើងបាន"។
កាលពីមុននេះបន្តិច នៅក្នុងការបង្ហាញខ្លួនជាសាធារណៈនៅឯសេតវិមាន ប្រធានាធិបតីអាម៉េរិក លោក ដូណាល់ ត្រាំ បានបញ្ជាក់នូវការខឹងសម្បារលើកិច្ចព្រមព្រៀងដែលបានចរចាឡើងដោយនាយករដ្ឋមន្រ្តី Malcolm Turnbull កាលពីឆ្នាំមុនជាមួយនឹងអតីតប្រធានាធិបតីអាម៉េរិកលោក បារ៉ាក់ អូបាម៉ា បន្ទាប់ពីលោកទើបតែបានទ្វីតនៅលើបណ្តាញសង្គម Twitter ថាកិច្ចព្រមព្រៀងនេះគឺជាកិច្ចព្រមព្រៀងដ៏ល្ងីល្ងឺមួយ៕
