ជាមួយគ្នានោះ គិតត្រឹមថ្ងៃទី០៩សីហា គណៈកម្មាធិការជាតិគ្រប់គ្រងគ្រោះមហន្តរាយ បានប្រកាសថា ទឹកជំនន់ទន្លេមេគង្គ នៅខេត្តស្ទឹងត្រែង ក្រចេះ ត្បូងឃ្មុំ កំពង់ចាម ព្រៃវែង និងខេត្តកណ្តាល បានសម្លាប់មនុស្ស កើនដល់ ១១នាក់ និងមានប្រជាជនរងគ្រោះសរុបជាង ៥ម៉ឺនគ្រួសារ។
មនុស្ស១១នាក់ស្លាប់ ខណៈដែលទឹកជំនន់ទន្លេមេគង្គបន្តកើនឡើងខ្ពស់
ទឹកជំនន់ទន្លេមេគង្គក្នុងប្រទេសកម្ពុជា Source: Meng Phalla
ក្រសួងធនធានទឹក និងឧតុនិយម បានចេញសេចក្តីជូនដំណឹង ប្រកាសកាលពីថ្ងៃទី០៩ ខែសីហាថា ស្ថានភាពទឹកជំនន់ទន្លេមេគង្គ ទន្លេបាសាក់ និងទន្លេសាប នឹងបន្តកើនឡើងខ្ពស់ ក្នុងរយៈពេល ៣ ឬ ៤ថ្ងៃខាងមុខ។ ក្នុងនោះ ទឹកទន្លេមេគង្គ នៅខេត្តស្ទឹងត្រែង និងខេត្តកំពង់ចាម នឹងបន្តឡើងលើសកម្រិតកម្ពស់ប្រុងប្រយ័ត្ន ចាប់ពីថ្ងៃទី០៩ ខែសីហា រហូតដល់រយៈពេល ២ ទៅ ៤ ថ្ងៃទៀត។
Share
