ខ្សែជីវិតរបស់កម្មករទូកនេសាទនៅលើសមុទ្រមរណៈ

លោកព្រហ្ម វណ្ណៈអាណន្ត គឺជាវិចិត្រករ និងជាអ្នកនិពន្ធមួយរូប ដែលធ្វើការតែងនិពន្ធពីប្រវត្តិផ្ទាល់ខ្លួនរបស់លោក ដែលធ្លាប់ចាញ់បោកគេ ក្លាយទៅជាទាសករទូកនេសាទនៅប្រទេសថៃ។ បន្ទាប់ពីរត់គេចពីសមុទ្រមរណៈ លោកបានរសាត់អណ្តែតដល់ប្រទេសម៉ាឡេស៊ី ហើយត្រូវធ្វើជាកម្មករនៅក្នុងចំការដូងប្រេងដោយមិនទទួលបាននូវប្រាក់កម្រៃអ្វីក្រៅពីអាហារនិងកន្លែងស្នាក់នៅនោះទេ។

---

លោក ព្រហ្ម វណ្ណៈអាណន្ត នឹង​ធ្វើ​ដំណើរ​មក​ ​ប្រទេស​អូស្រ្តាលី​នៅ​សប្តាហ៍ក្រោយ​ក្រោម​ការ​រៀបចំរបស់​សម្ព័ន្ធ​សង្ឃ​កាតូលិក​នៅ​ស៊ីដនី Sydney Catholic Archdiocese រួម​ជាមួយ​នឹង​GMB Films។

លោក​នឹង​មាន​វត្ត​មាន​នៅ​ទីក្រុង​ស៊ីដនី ដើម្បី ធ្វើ​បទបង្ហាញ​ពាក់ព័ន្ធ​នឹង​បទពិសោធន៍​ដែល​លោក​បាន​ជួបប្រទះ​ដោយផ្ទាល់នៅ​ថ្ងៃ​ទី៣០កក្កដា គឺចំ​​ទិវាអន្តរជាតិ​ប្រយុទ្ធប្រឆាំង​នឹង​ការ​ជួញដូរមនុស្សរបស់​អង្គការសហប្រជាជាតិ និងបន្តដំណើរ​ទៅធ្វើជា​វាគ្មិន​នៅ​ទិវា​ពិភពលោកប្រឆាំងនឹងការ​ជួញដូរមនុស្ស​របស់​ក្រសួងការបរទេស​និង​ពាណិឌ្ជកម្ម​​អូស្រ្តាលីនៅ​ទីក្រុង​ខេនបេរ៉ា ដ៏ដូចជា​ការ​ដាក់​តាំង​បង្ហាញ​នូវ​ស្នាដៃ​និពន្ធ​របស់​លោក គឺសៀវភៅ Dead Eye និង Deep Blue Sea ​នៅ​អាដឺឡែត និង​នៅ Melbourne International Film Festival ​នៅ​ថ្ងៃ​សៅ​រ៍​ទី​១០សីហា​ទៀតផង៕