ក្រុមហ៊ុនបច្ចេកវិទ្យាយក្សមេតា ត្រូវឪពុកម្តាយប្តឹងនៅក្នុងសវនាការជាប្រវត្តិសាស្ត្រ

ការកាត់ក្តីដ៏សំខាន់មួយនៅសហរដ្ឋអាមេរិកកំពុងដាក់ទំនាក់ទំនងរវាងកុមារ និងប្រព័ន្ធផ្សព្វផ្សាយសង្គមឱ្យស្ថិតនៅក្រោមការត្រួតពិនិត្យឡើងវិញ។ រដ្ឋចំនួន២៩ របស់សហរដ្ឋអាមេរិក កំពុងតតាំងក្តីនឹងក្រុមហ៊ុន Meta ដោយចោទប្រកាន់ក្រុមហ៊ុនបច្ចេកវិទ្យាយក្សនេះថា បានរចនាមុខងារនៅលើ Facebook និង Instagram ដើម្បីរក្សាអ្នកប្រើប្រាស់វ័យក្មេងឱ្យនៅចូលរួម ទោះបីជាមានហានិភ័យដល់សុខុមាលភាពរបស់ពួកគេក៏ដោយ។ Meta បដិសេធយ៉ាងដាច់អហង្ការចំពោះការចោទប្រកាន់ដែលថា វេទិការបស់ខ្លួនត្រូវបានរចនាឡើងដើម្បីពង្វក់ឱ្យញៀន ឬធ្វើបាបកុមារ ហើយនិយាយថាខ្លួនបានចំណាយពេលជាច្រើនឆ្នាំដើម្បីបង្កើតការការពារសម្រាប់អ្នកប្រើប្រាស់វ័យក្មេង។ ប៉ុន្តែក្រៅពីអំណះអំណាងផ្នែកច្បាប់ គឺមានក្រុមគ្រួសារដែលនិយាយថា កូនៗរបស់ពួកគាត់បានចំណាយនូវតម្លៃដែលខ្ពស់បំផុតមិនអាចកាត់ថ្លៃបាន នោះគឺអាយុជីវិតរបស់ពួកគេ។