មជ្ឈមណ្ឌលសិទ្ធិមនុស្សកម្ពុជា ដែលបង្កើតឡើងដោយលោក កឹម សុខា នៅឆ្នាំ២០០២ ត្រូវបានលោកនាយករដ្ឋមន្ត្រីហ៊ុនសែន កាលពីថ្ងៃអាទិត្យ ទី២៦វិច្ឆិកា បានចេញបញ្ជាឲ្យក្រសួងមហាផ្ទៃ ពិនិត្យមើលសកម្មភាពរបស់អង្គការនេះ ដោយលោកអះអាងថា ទទួលជំនួយ និងបម្រើឲ្យអាមេរិក។
ក៏ប៉ុន្តែ លោកឧបនាយករដ្ឋមន្ត្រី សខេង រដ្ឋមន្ត្រីក្រសួងមហាផ្ទៃ បានបញ្ជាក់ថា ក្រសួងមហាផ្ទៃ មិនទាន់សម្រេចបែបណានៅឡើយទេ ដោយសារតែការសិក្សាពិនិត្យរបស់មន្ត្រីជំនាញលើមជ្ឈមណ្ឌលសិទ្ធិមនុស្សកម្ពុជា មិនទាន់ចប់នោះទេ។
