ចៅក្រមតុលាការសាលាដំបូងរាជធានីភ្នំពេញ បានបើកការសាកសួរលើជនជាប់ចោទ ឈ្មោះ ជួប សម្លាប់ កាលពីព្រឹកថ្ងៃទី១២សីហា។
បុរសឈ្មោះ អឿត អាង ដែលមានរហស្សនាមថា ជួប សម្លាប់ ត្រូវបានចាប់ខ្លួនភ្លាមៗ ក្រោយអំពើឃាតកម្មបាញ់សម្លាប់លោកបណ្ឌិត កែម ឡី កាលពីថ្ងៃទី១០ ខែកក្កដា។
បុរសជនត្រូវចោទឈ្មោះ ជួបសម្លាប់ ត្រូវបានចៅក្រមសម្រេចឃុំខ្លួននៅពន្ធនាគារ ដោយចោទប្រកាន់ពីបទឃាតកម្មគិតទុកជាមុន និងបទកាន់កាប់អាវុធគ្មានការអនុញ្ញាត។ បទចោទប្រកាន់នោះត្រូវផ្តន្ទាទោសដាក់ពន្ធនាគារមួយជីវិត។
Share
