គណៈកម្មាធិការជាតិរៀបចំការបោះឆ្នោត (គ.ជ.ប) បានរៀបចំបទបញ្ជា និងនីតិវិធី សម្រាប់ការធ្វើបច្ចុប្បន្នភាពបញ្ជីបោះឆ្នោត និងចុះឈ្មោះបោះឆ្នោត ឆ្នាំ២០១៧។
សេចក្តីព្រាងនោះត្រូវបាន គជប លើកបង្ហាញ និងដាក់ឲ្យគ្រប់ភាគីពាក់ព័ន្ធ រួមមាន សហគមន៍អន្តរជាតិ គណបក្សនយោបាយ និងអង្គការសង្គមស៊ីវិល ចូលរួមពិភាក្សា និងផ្តល់អនុសាសន៍ក្នុងកិច្ចប្រជុំពេញមួយថ្ងៃ កាលពីថ្ងៃទី៣ ខែសីហា ឆ្នាំ២០១៧។
គជប បានកំណត់កាលបរិច្ឆេទនៃការធ្វើបច្ចុប្បន្នភាពបញ្ជីបោះឆ្នោត ការចុះឈ្មោះបោះឆ្នោត និងការផ្តល់សុពលភាពលើបញ្ជីបោះឆ្នោត ដោយចាប់ផ្តើមពីថ្ងៃទី១ ខែកញ្ញា ឆ្នាំ២០១៧ និងបញ្ចប់នៅថ្ងៃទី២៤ ខែមករា ឆ្នាំ២០១៨។ ដោយឡែក ការចុះឈ្មោះអ្នកបោះឆ្នោតមានរយៈពេល ៧០ ថ្ងៃ នឹងចាប់ផ្តើមពីថ្ងៃទី១ ខែកញ្ញា ដល់ថ្ងៃទី៩ ខែវិច្ឆិកា ឆ្នាំ២០១៧ នៅតាមសាលាឃុំសង្កាត់នៅទូទាំងប្រទេស។
Share
