គ ជ ប ណែនាំប្រជាពលរដ្ឋខ្មែរ ឱ្យត្រៀមលក្ខណៈ ទៅបោះឆ្នោត នៅថ្ងៃទី២៣កក្កដានេះ

គ.ជ.ប បានប្រកាសប្រាប់ឱ្យប្រជាពលរដ្ឋខ្មែរ ដែលមានឈ្មោះក្នុងបញ្ជីបោះឆ្នោត ត្រូវត្រៀមខ្លួន និងឯកសារឱ្យបានរួចរាល់ ទៅចូលរួមបោះឆ្នោត នៅថ្ងៃអាទិត្យ ទី២៣ ខែកក្កដានេះ។ ក្នុងនោះ ប្រជាពលរដ្ឋ ក៏ត្រូវពិនិត្យទីតាំងការិយាល័យបោះឆ្នោត នៅក្នុងបណ្ណព័ត៌មានបោះឆ្នោត ឬក៏រកឈ្មោះក្នុងវេបសាយរបស់គ.ជ.ប voterlist.nec.gov.kh។ ក្នុងនោះ ១ថ្ងៃ មុនថ្ងៃបោះឆ្នោត ពោលគឺនៅថ្ងៃទី២២ ខែកក្កដា ប្រជាពលរដ្ឋ ក៏អាចទៅពិនិត្យផ្ទៀងផ្ទាត់ឈ្មោះ និងបន្ទប់បោះឆ្នោត ដែលមានបិទឈ្មោះនៅមុខការិយាល័យបោះឆ្នោតផងដែរ។