បុរសអូស្រ្តាលីដែលបាញ់ប្រហារជីវិតមនុស្សនៅព្រះវិហារឥស្លាមនៅនូវ៉ែលហ្សេឡង់ត្រូវជាប់គុកមួយជីវិត

“អ្នកឯងមិនត្រឹមតែជាឃាតកប៉ុណ្ណោះទេ អ្នកឯងជាភេរវករ”។ នោះគឺជាអ្វីដែលចៅក្រមនូវ៉ែលហ្សេឡង់ Cameron Mander បរិយាយពី Brenton Tarrant នៅពេលដែលលោកបានកាត់ក្តីឲ្យរូបគេជាប់ទោសអស់មួយជីវិតដោយគ្មានការធានានៅក្រៅឃុំ ។ បុរសជនជាតិអូស្ត្រាលីអាយុ ២៩ ឆ្នាំរូបនេះ ត្រូវបានកាត់ទោសពីបទឃាតកម្មចំនួន ៥១ករណី បទចោទប្រកាន់ ប៉ុនប៉ងមនុស្សឃាតចំនួន ៤០ ករណី និងបទចោទប្រកាន់ពីបទប្រព្រឹត្តិអំពើភេរវកម្មចំពោះការបាញ់ប្រហារនៅព្រះវិហារឥស្លាមនៅChristchurchពីរកន្លែង កាលពីខែមីនាឆ្នាំមុន។