សេចក្តីប្រកាស​របស់​ក្រសួង​ព័ត៌មាន​ពាក់ព័ន្ធ​នឹងការ​ចាប់​ខ្លួន ​លោក អ៊ុក ម៉ៅ ខណៈអង្គការ​សង្គមស៊ីវិល​ប្រតិកម្ម

ក្រសួងព័ត៌មាន នៅយប់ថ្ងៃទី២២ ខែឧសភា ឆ្នាំ២០២៥ បានចេញផ្សាយនូវសេចក្តីប្រកាសព័ត៌មាន ដោយលើកឡើងថា ក្នុងរយៈពេលប៉ុន្មានថ្ងៃមកនេះ អង្គការសង្គមស៊ីវិលក្នុងស្រុក និងអន្តរជាតិ ព្រមទាំងអ្នកសារព័ត៌មានបរទេសមួយចំនួន បានផ្សព្វផ្សាយពីបុគ្គល ឈ្មោះ អ៊ុក ម៉ៅ ដែលត្រូវបានជាប់បណ្ដឹងចំនួន ១៥សំណុំរឿងផ្សេងៗគ្នា ពាក់ព័ន្ធនឹងការប្រព្រឹត្តអំពើល្មើសច្បាប់នានារបស់ខ្លួន ចាប់តាំងពីខែកុម្ភៈ ឆ្នាំ២០២២មក និងត្រូវបានចាប់ខ្លួនពីបទញុះញង់ឱ្យប្រព្រឹត្តបទឧក្រិដ្ឋជាអាទិ៍ និងបរិហាកេរ្តិ៍ជាសាធារណៈ បង្កហិង្សា និងការកាប់ទន្ទ្រានដីព្រៃរដ្ឋខុសច្បាប់ ដែលកំពុងជាប់ឃុំខ្លួនបណ្តោះអាសន្ន រង់ចាំបន្តនីតិវិធី។

លោក អ៊ុក ម៉ៅ សកម្មជនបរិស្ថានសកម្មជនបរិស្ថានដែលត្រូវបានអាជ្ញាធរចាប់ខ្លួន កាលពីថ្ងៃទី១៦ ខែឧសភា ឆ្នាំ២០២៥។ Credit: Nehru Pry/Mongabay

ជុំវិញការចាប់ខ្លួនលោក អ៊ុក ម៉ៅ ត្រូវបានអង្គការ-សមាគម ចំនួន១៤ ដែលមានដូចជា អង្គការអ្នកសារព័ត៌មានគ្មានព្រំដែន (RSF) បានចេញសេចក្ដីថ្លែងការណ៍ ទាមទារឱ្យដោះលែង លោក អ៊ុក ម៉ៅ ជាបន្ទាន់ និងបញ្ឈប់ធ្វើទុក្ខបុកម្នេញតាមផ្លូវតុលាការ លើអ្នកសារព័ត៌មានផ្សេងទៀត ដោយចង្អុលបង្ហាញរដ្ឋធម្មនុញ្ញ ដែលរដ្ឋ ត្រូវធានាសិទ្ធិបញ្ចេញមតិ និងសេរីភាពសារព័ត៌មាន។

🎧ស្តាប់​ផតខាស្តិ៍​ដទៃ​ទៀត​ជាភាសាខ្មែរ - Click here for more podcast in Khmer៕