ក្រសួងការងារ និងបណ្តុះបណ្តាលវិជ្ជាជីវៈ បានប្រកាសពីការធ្វើចត្តាឡីស័កចំពោះកម្មកររោងចក្រ ក្នុងរាជធានីភ្នំពេញ បន្ទាប់ពីឈប់សម្រាកអំឡុងពេលបុណ្យចូលឆ្នាំ ហើយត្រឡប់ចូលបម្រើការងារវិញ។ ក្នុងរយៈពេល ១ថ្ងៃកន្លះ គិតចាប់ពីថ្ងៃទី២០ ខែមេសា មកដល់ព្រឹកថ្ងៃទី២១ ខែមេសា មានកម្មករកាត់ដេរ ជាង ១៤០០នាក់ បានទៅពិនិត្យសុខភាព ហើយក្នុងនោះ កម្មកររោងចក្រជាង ១៣០០នាក់ ត្រូវបានដាក់ឲ្យធ្វើចត្តាឡីស័ក នៅផ្ទះ រយៈពេល ១៤ថ្ងៃ និងធ្វើចត្តាឡីស័ក នៅមណ្ឌល ដែលរៀបចំនៅតាមសាលារៀន ចំនួន ៨៨នាក់ ព្រមទាំងយកសំណាកទៅពិសោធន៍បន្ត ដើម្បីរកមេរោគកូវីដ១៩ ចំនួន ១៨នាក់។
Share
