រដ្ឋសភា​បើកកិច្ចប្រជុំ ខណៈដែលតំណាងរាស្ត្រគណបក្សសង្គ្រោះជាតិបន្ត​អវត្តមាន

ដូចការគ្រោងទុក កាលពីព្រឹកថ្ងៃទី៧តុលា រដ្ឋសភាបានបើកកិច្ចប្រជុំ បន្ទាប់ពីឈប់សម្រាក៣ខែ។ ក៏ប៉ុន្តែក្រុមអ្នកតំណាងរាស្ត្រគណបក្សសង្គ្រោះជាតិមិនបានចូលប្រជុំរដ្ឋសភាទេកាលពីព្រឹកថ្ងៃសុក្រ។ មូលហេតុត្រូវបានលោក យឹម សុវណ្ណ អ្នកនាំពាក្យគណបក្សសង្គ្រោះជាតិបានប្រកាសក្នុងសន្និសីទកាសែតនៅទីស្នាក់ការកណ្តាលគណបក្សសង្គ្រោះជាតិនៅចាក់អង្រែលើក្នុងរាជធានីភ្នំពេញកាលពីព្រឹកនោះថា ដោយសារតែមានការគម្រាមកំហែងដល់សុវត្ថិភាពរបស់ក្រុមតំណាងរាស្ត្រគណបក្សសង្គ្រោះជាតិ។

---