ប្រេងឥន្ធនៈនៅកម្ពុជាបន្តឡើងថ្លៃ ខណៈរដ្ឋាភិបាល​ចាត់វិធានការកំណត់តម្លៃ

ថ្លៃប្រេងសាំង និងប្រេងម៉ាស៊ូត នៅកម្ពុជា បានឡើងថ្លៃ ៨០០រៀល ក្នុង ១លីត្រ។ ពោលគឺប្រេងសាំងធម្មតា បានឡើងពី ៤៤០០រៀល ដល់ ៥២០០រៀល ក្នុង ១លីត្រ។ រីឯប្រេងម៉ាស៊ូត ឡើងថ្លៃពី ៥១៥០រៀល ដល់ ៦០៥០រៀល ក្នុង ១លីត្រ។ តម្លៃប្រេងថ្មីនេះ ត្រូវអនុវត្តពីថ្ងៃទី១១ ដល់ថ្ងៃទី១៣ ខែមីនា។ នេះបើតាមសេចក្តីជូនដំណឹងរបស់ក្រសួងពាណិជ្ជកម្ម ចេញផ្សាយ កាលពីយប់ថ្ងៃទី១០ មីនា។ ជាមួយនឹងការកំណត់តម្លៃថ្មី នៃការលក់ប្រេង រយៈពេល ៣ថ្ងៃនេះ កម្ពុជា តាមរយៈអ្នកនាំពាក្យរាជរដ្ឋាភិបាល ក៏បានប្រកាសថា ស្ថានីយ និងដេប៉ូលក់ប្រេង ត្រូវជូនដំណឹងជាមុនយ៉ាងតិច ១ថ្ងៃ ទៅស្ថាប័នពាក់ព័ន្ធ ក្នុងករណីប្រេងឥន្ធនៈអស់ពីស្តុក ឬផ្អាកលក់បណ្តោះអាសន្ន។

---

khmer_260311_petrol-price-Cambodia