លោក ហ៊ុន សែន ប្រកាស​ពី​ជោគជ័យ​លើ​ការ​ប្តឹង​លោក សម រង្ស៊ី នៅ​តុលាការបារាំង

កាលពីព្រឹកថ្ងៃទី១១តុលា លោកនាយករដ្ឋមន្ត្រី ហ៊ុន សែន បានប្រកាសពីជោគជ័យ ជុំវិញការដាក់ពាក្យបណ្ដឹង ប្រឆាំងលោក សម រង្ស៊ី អតីតមេដឹកនាំគណបក្សប្រឆាំង នៅតុលាការ ប្រទេសបារាំង ពាក់ព័ន្ធនឹងមរណភាពលោក ហុក ឡង់ឌី អតីតមេប៉ូលិសកម្ពុជា ដែលស្លាប់ ដោយធ្លាក់យន្តហោះ កាលពីឆ្នាំ២០០៨។ តាមសាលក្រមរបស់តុលាការទីក្រុងប៉ារីស ប្រទេសបារាំង លោក ហ៊ុន សែន បានអះអាងថា តុលាការ បានរកភាពស្អាតស្អំឱ្យលោក ដោយបញ្ជាក់ថា លោកមិនជាប់ពាក់ព័ន្ធនឹងករណីស្លាប់របស់លោក ហុក ឡង់ឌី ដោយសារការធ្លាក់ឧទ្ធម្ភាគចក្រ កាលពីឆ្នាំ២០០៨ នោះទេ។

Source: Facebook / SPM Facebook Page