លោកនាយករដ្ឋមន្ត្រី ហ៊ុន សែន បញ្ជាឱ្យបាញ់យន្តហោះគ្មានមនុស្សបើក ដ្រូន

កាលពីថ្ងៃទី២៧ ខែមិថុនា លោកនាយករដ្ឋមន្ត្រី ហ៊ុន សែន បានប្រកាសតាមសារជាសំឡេង ដោយបានដាក់បទបញ្ជាទៅកាន់រដ្ឋមន្ត្រីការពារជាតិ អគ្គមេបញ្ជាការនៃកងយោធពលខេមរភូមិន្ទ មេបញ្ជាការកងអង្គរក្ស និងកងកម្លាំងប្រដាប់អាវុធ នៅខេត្តរតនគិរី ខេត្តមណ្ឌលគិរី និងខេត្តក្រចេះ ជាប់ព្រំដែនវៀតណាម ត្រូវបញ្ជូនកងទ័ព និងបញ្ចេញអាវុធទំនើប សម្រាប់បាញ់ទម្លាក់យន្តហោះ អោយទៅបាញ់ទម្លាក់ដ្រូន ដែលលោកនាយករដ្ឋមន្ត្រី ប្រកាសថា បានហោះចូលទឹកដីកម្ពុជា ក្នុងខេត្តរតនគិរី ជាច្រើនគ្រឿងនោះ។