លោក ហ៊ុន សែន ព្រមានបង្ក្រាបដោយមិនលើកលែងលើក្រុមអ្នកចង់ប្រមូលផ្តុំធ្វើបាតុកម្មតវ៉ានៅថ្ងៃខួបកិច្ចព្រមព្រៀងសន្តិភាពទីក្រុងប៉ារីស

ក្នុងពេលជួបសួរសុខទុក្ខ និងចែកអំណោយ ជូនប្រជាពលរដ្ឋ ដែលរងគ្រោះ ដោយសារទឹកជំនន់ នៅស្រុកមង្គលបុរី ខេត្តបន្ទាយមានជ័យ កាលពីព្រឹកថ្ងៃទី២១ ខែតុលា លោកនាយករដ្ឋមន្ត្រី ហ៊ុន សែន បានប្រកាសព្រមានបង្ក្រាប ដោយមិនលើកលែងឡើយ លើក្រុមអ្នកចង់មកធ្វើបាតុកម្ម នៅមុខស្ថានទូតចិន ក្នុងរាជធានីភ្នំពេញ នាថ្ងៃទី២៣តុលា ដែលជាខួបនៃកិច្ចព្រមព្រៀងសន្តិភាពទីក្រុងប៉ារីស កាលពីឆ្នាំ១៩៩១។ លោកនាយករដ្ឋមន្ត្រី អះអាងថា នៅពេលនេះ ប្រទេសកម្ពុជា កំពុងជួបគ្រោះទឹកជំនន់ ដូច្នេះមិនអនុញ្ញាតឲ្យជួបជុំ ធ្វើបាតុកម្មអ្វីឡើយ នៅថ្ងៃ២៣តុលា ថ្ងៃខួប ២៩ឆ្នាំ នៃកិច្ចព្រមព្រៀងសន្តិភាព ទីក្រុងប៉ារីស។

Source: SPM Facebook Page