លោក ហ៊ុន សែន បង្ហាញមុខក្នុងកិច្ចប្រជុំតាមប្រព័ន្ធវិដេអូ ខណៈដែលមានព័ត៌មានប្រឌិតពីមរណភាពរបស់លោក

កាលពីរសៀលថ្ងៃទី២៩ ខែមិថុនា ឆ្នាំ២០២១ លោកនាយករដ្ឋមន្ត្រី ហ៊ុន សែន បានបង្ហាញមុខ ក្នុងកិច្ចប្រជុំ តាមប្រព័ន្ធវិដេអូ រវាងមេដឹកនាំគណបក្សនយោបាយ នៅប្រទេសសមាជិកអាស៊ាន និងគណបក្សនយោបាយនៅប្រទេសរុស្ស៊ី។ កិច្ចប្រជុំនេះ ត្រូវបានផ្សាយផ្ទាល់តាមកញ្ចក់ទូរទស្សន៍ក្នុងស្រុក នៅប្រទេសកម្ពុជា ក៏ដូចជា នៅតាមហ្វេសប៊ុកជាច្រើនទៀត។ វត្តមានរបស់លោកនាយករដ្ឋមន្ត្រី ហ៊ុន សែន នៅពេលនេះ បានបញ្ចប់នូវគ្រប់រឿងរ៉ាវ ដែលការបង្កើត និងប្រឌិតព័ត៌មានមិនពិត ដែលកាលពីពេលថ្មីនេះ មានការលើកឡើងថា លោកនាយករដ្ឋមន្ត្រី ហ៊ុន សែន បានឆ្លងកូវីដ ហើយក៏បានទទួលមរណភាពដោយស្ងៀមស្ងាត់។

Source: Meng Phalla