ប៉ូលិសប្រកាសថា គ្រោះថ្នាក់ចរាចរណ៍លើក្បួនរថយន្តរបស់សម្តេចក្រុមព្រះ នរោត្តម រណឫទ្ធិ ជាករណីគ្រោះថ្នាក់ចរាចរណ៍ មិនមែនជាអំពើឃាតកម្មនយោបាយទេ

លោកនាយឧត្តមសេនីយ៍ ហ៊ឹម យ៉ាន បញ្ជាក់បន្ថែមថា "ផ្អែកតាមការស៊ើបអង្កេត រួមទាំងការយកព័ត៌មានពីគ្រប់មជ្ឈដ្ឋានទាំងអស់ ព្រមទាំងការពិនិត្យកន្លែងកើតហេតុ ពិនិត្យមើលវត្ថុតាងនៅកន្លែងកើតហេតុ សមត្ថកិច្ចវាយតម្លៃថា ឧបទ្ទវហេតុនេះ ហេតុការណ៍នេះ គឺជាហេតុការណ៍គ្រោះថ្នាក់ចរាចរណ៍ ដែលបង្កឡើងដោយឈ្មោះ ម៉ៅ សារ៉េត បានបើកបរ ធ្វេសប្រហែស មិនប្រុងប្រយ័ត្ន បង្កឲ្យមានគ្រោះថ្នាក់ បណ្តាលឲ្យមានការបាត់បង់ជីវិត និងរងរបួសជាច្រើននាក់ ហើយអំពើនេះ គឺល្មើសទៅនឹងមាត្រា ៨៣ និងមាត្រា ៨៥ នៃច្បាប់ស្តីពីចរាចរណ៍ផ្លូវគោក។

---