ប៉ូលិសរដ្ឋញូសៅវែលបានចេញនូវសេចក្តីព្រមានមួយស្តីពីគម្រោងការបោកបញ្ឆោតឬក៏ scam តាមទូរសព្ទលក្ខណៈអន្តរជាតិផ្តោតគោលដៅលើជនបរទេសជនជាតិចិនរាប់ពាន់នាក់។
ជនរងគ្រោះនៅក្នុងប្រទេសអូស្រ្តាលីបានទទួលទូរសព្ទពីអ្នកដែលនិយាយភាសាចិនកុកងឺ ទាមទារឲ្យជនរងគ្រោះបង់ប្រាក់ដោយគម្រាមថា នឹងត្រូវជាប់គុក ចាប់ជំរិត ឬក៏រងគ្រោះថ្នាក់ដោយអំពើហិង្សាជាដើម។
មានជនរងគ្រោះម្នាក់បានបង់ប្រាក់អស់1លាន៩សែនដុល្លារ ហើយមានមនុស្សជាច្រើនទៀតបានបង់ប្រាក់អស់ជាង១ម៉ឺនដុល្លារ។
នៅមានរបាយការណ៍ស្តីពីការឆបោកស្រដៀងគ្នានេះនៅជុំវិញពិភពលោក ជាពិសេសនៅក្នុងប្រទសកាណាដា និងសហរដ្ឋអាម៉េរិក ដែលឆបោកជនរងគ្រោះ សរុបទាំងអស់រាប់សិបលានដុល្លារ។
ស្ថានកុងស៊ុលចិន និងប៉ូលិសរដ្ឋញូសៅវែលកំពុងតែបញ្ជាក់ទៅកាន់សាធារណជនថា មន្រ្តីផ្លូវការស្ថានទូតចិន នឹងមិនទាក់ទងទៅជនរងគ្រោះដើម្បីសុំទិន្នន័យលំអិតផ្ទាល់ខ្លួន ឬក៏បញ្ជារឲ្យបង់ប្រាក់ ឬក៏ផ្ទេរប្រាក់តាមទូរសព្ទនោះឡើយ។
Share
