អូស្រ្តាលីក្រើនរំលឹកស្រ្តីមានផ្ទៃពោះឲ្យប្រយ័ត្នពីវីរុសហ្ស៊ីកា

មិនទាន់មានភស្តុតាងបញ្ជាក់ថាការបំបៅដោះអាចចម្លងវីរុសហ្ស៊ីកាពីម្តាយទៅកូននោះទេ ប៉ុន្តែមានការភ្ជាប់ទំនាក់ទំនងថា វីរុសហ្ស៊ីកាអាចជាមូលហេតុរួមចំណែកធ្វើឲ្យទារកកើតមកមានក្បាលតូចខុសពីធម្មតា។

---

នាយកដ្ឋាន​កិច្ចការ​បរទេស​អូស្រ្តាលី​បាន​ចេញ​ផ្សាយ​នូវ​បញ្ជី​ឈ្មោះថ្មី​មាន​២២ប្រទេស​ដែល​ឆ្លង​វីរុស​ហ្ស៊ីកា ដែល​កើត​ចេញ​ពី​សត្វមូស​នេះ។

ក្នុងនោះរួមមានទាំង​ប្រជាជាតិ​នៅតំបន់ ការីប៊ីន អាម៉េរិក​កណ្តាល អាម៉េរិក​ខាង​ត្បូង អាហ្វ្រិក កោះប៉ាស៊ីហ្វិក និង អាស៊ីអាគ្នេយ៍។