ទំនាយក្នុងឆ្នាំថ្មី ឆ្នាំរកា និងរបៀបរៀបចំគ្រឿងសក្ការៈ សម្រាប់ទទួលទេវតាឆ្នាំថ្មី

អ្នកជំនាញខាងមហាសង្ក្រាន្ត លោក អ៊ឹម បូរិន្ទ អគ្គលេខាធិការរងនៃគណៈកម្មាធិការជាតិរៀបចំបុណ្យជាតិ និងអន្តរជាតិ បានព្យាករណ៍ថា ឆ្នាំរកា ពុទ្ធសករាជ ២៥៦១ ដែលនឹងចូលមកដល់នាប៉ុន្មានថ្ងៃខាងមុខនេះ ជាឆ្នាំ ដែលមានទឹកធំ មានខ្យល់ព្យុះច្រើន ហើយនៅដើមឆ្នាំ ភ្លៀងធ្លាក់ចុះខ្សោយ ពាក់កណ្តាលឆ្នាំភ្លៀងមធ្យម និងភ្លៀងច្រើន នៅចុងឆ្នាំ។

Im Borin Source: Meng Phalla

ឆ្នាំថ្មីនេះ ស្រូវស្រែ កាក់​កបល្អ ប៉ុន្តែធ​ញ្ញហារ ខូច​ពាក់​កណ្តាល ដោយសារ​មាន​ជំងឺ​ច្រើន។ រីឯ​ព្រះ​រាជា និង​ថ្នាក់​ដឹក​នាំ​រាជ​រដ្ឋាភិបាល​កម្ពុជា​ មាន​ជោគ​ជ័យ​លើ​គូ​សត្រូវ។

ទេវតា​ឆ្នាំថ្មី ព្រះនាម កិមិរាទេវី គឺជាបុត្រី ទី៦ នៃ​កបិល​មហា​ព្រហ្ម នឹង​យាង​មកដល់នៅម៉ោង ៣ និង ១២ នាទី ម៉ោង​នៅ​ប្រទេស​កម្ពុជា ទ្រង់​អម្ពរ​ពណ៌​ស សៀត​ផ្កា ចង្កុលណី សោយ​ផ្លែ​ចេក​ណាំវ៉ា ឬ​ចេក​ទឹក និង​មាន​សត្វ​ក្របី ជា​ជំនិះ៕