តុលាការកំពូលប្រកាសពីការទទួលញត្តិស្នើដកសិទ្ធិធ្វើនយោបាយរបស់លោក រ៉ុង ឈុន

Advisor of the Nation Power Party, Rong Chhun (C) arrives near the court in Phnom Penh, Cambodia, 05 May 2025. Source: EPA / KITH SEREY/EPA/AAP Image

ក្រោយពីសារសំឡេងរបស់លោក ហ៊ុន សែន ដែលបញ្ជាឱ្យបង្រ្កាបលើគណបក្សប្រឆាំង នៅថ្ងៃទី២៧ ខែឧសភា ឆ្នាំ២០២៥ មានការផ្សព្វផ្សាយនូវសេចក្តីប្រកាសព័ត៌មានរបស់តុលាការកំពូល ដែលបានទទួលញត្តិរបស់តំណាងអង្គការសង្គមស៊ីវិល សហគមន៍តំណាងឱ្យប្រជាជន និងយុវជន ដែលជាសមាជិកសហភាពអង្គការសង្គមស៊ីវិល ចំនួន ៥០អង្គភាព ស្នើឱ្យដកសិទ្ធិធ្វើនយោបាយរបស់លោក រ៉ុង ឈុន ទីប្រឹក្សាគណបក្សកម្លាំងជាតិ ដែលបានបំបែកចេញពីគណបក្សភ្លើងទៀនរបស់លោក សម រង្ស៊ី។