លោក សម រង្ស៊ី ស្វាគមន៍ពាក្យបណ្តឹងរបស់ លោក ហ៊ុន សែន ដែលប្តឹងរូបលោកទៅតុលាការបារាំង

លោកនាយករដ្ឋមន្ត្រី ហ៊ុន សែន និងកូនប្រសារ លោក ឌី វិជ្ជា បានដាក់ពាក្យបណ្តឹង ជាផ្លូវការ ដាច់ដោយឡែកពីគ្នា ដើម្បីប្តឹងលោក សម រង្ស៊ី អតីតមេដឹកនាំបក្សប្រឆាំង ពីបទ «បរិហារកេរ្តិ៍ជាសាធារណៈ ចំពោះបុគ្គល» ពាក់ព័ន្ធនឹងការលើកឡើងរបស់ លោក សម រង្ស៊ី ដែលថា លោក ហ៊ុន សែន បានសម្លាប់ ឬជាមេក្លោងឲ្យគេសម្លាប់លោក ហុក ឡងឌី។ ពាក្យបណ្តឹងទាំងពីរនេះ ត្រូវបានដាក់ទៅកាន់តុលាការទីក្រុងប៉ារីស ប្រទេសបារាំង នៅថ្ងៃទី២០ ខែសីហា ឆ្នាំ២០១៩។

---