ស្រ្តីម៉ែលប៊ិនម្នាក់ដែលប៉ូលិសនិយាយថា នាងបានសារភាពថាបានសម្លាប់កូនស្រីអាយុ១៥ខែរបស់នាង មិនបានបង្ហាញខ្លួននៅក្នុងតុលាការជាន់ទាបក្រុងម៉ែលប៊ិនទេថ្ងៃនេះ ដោយសារតែស្ថានភាពផ្លូវចិត្តរបស់នាង។
នាង សូហ្វីនា នីខេត (Sofina Nikat) អាយុ២២ឆ្នាំ ត្រូវបង្ហាញខ្លួននៅមុខតុលាការជាន់ទាបក្រុងម៉ែលប៊ិននៅថ្ងៃពុធនេះ ពីបទសម្លាប់កូនស្រីរបស់នាងឈ្មោះថា សាណៃយ៉ា សាហ៊ីប(sanaya Sahib)។
ការកាត់ក្តីដោយសង្ខេបបានធ្វើឡើងដោយមិនមានវត្តមានជនជាប់ចោទនោះទេ ហើយនាងត្រូវបានគេបញ្ជូនចូលទៅក្នុងមន្ទីរឃុំឃាំងវិញដើម្បីរង់ចាំការកាត់ក្តីម្តងទៀតនៅក្នុងខែសីហា។
សាកសពរបស់ក្មេងស្រីនេះត្រូវបានគេរកឃើញនៅក្នុង Darebin Creek កាលពីថ្ងៃអាទិត្យ ក្នុងអំឡុងពេលមិនដល់២៤ម៉ោងផង បន្ទាប់ពីម្តាយរបស់នាងអះអាងថានាងត្រូវបានមនុស្សស្រវឹងម្នាក់កញ្ឆក់យកនាងចេញពីរទេះរុញក្នុងឧទ្យាន Heidelberg West Park ៕
Share
