អាជ្ញាធររាជធានីភ្នំពេញ ចាប់ផ្តើមប្រើវិធានការក្តៅ លើប្រជាពលរដ្ឋ នៅភ្នំពេញ ពិសេសនៅតំបន់ក្រហម

កាលពីថ្ងៃទី១៩ ខែមេសា អាជ្ញាធររាជធានីភ្នំពេញ បានចេញសេចក្ដីសម្រេច កំណត់តំបន់មួយ ក្នុងភូមិសាស្ដ្រខណ្ឌមានជ័យ ខណ្ឌពោធិ៍សែនជ័យ និងខណ្ឌទួលគោក ដែលមានការឆ្លងរាលដាលធ្ងន់ធ្ងរ នៃជំងឺកូវីដ១៩ ជា «តំបន់ក្រហម»។ «តំបន់ក្រហម» ដែលមានការឆ្លងរាលដាលធ្ងន់ធ្ងរនៃជំងឺកូវីដ១៩ នៅភ្នំពេញ រួមមាន៖ សង្កាត់ស្ទឹងមានជ័យទី១ សង្កាត់ស្ទឹងមានជ័យទី២ និងសង្កាត់ស្ទឹងមានជ័យទី៣ ក្នុងខណ្ឌមានជ័យ ភូមិសាស្ដ្រសង្កាត់ចោមចៅទី១ ក្នុងខណ្ឌពោធិ៍សែនជ័យ និងភូមិ១៤ ភូមិ១៦ និងភូមិ១៧ ក្នុងសង្កាត់បឹងសាឡាង ខណ្ឌទួលគោក។

---