ប្រធានាធិបតីបារាំងលោក Francois Hollande បានពន្យារការដាក់ប្រទេសក្នុងគ្រាអាសន្នបន្ថែម៣ខែទៀត ក្រោយពីបុរសម្នាក់បានបើករថយន្តដឹកទំនិញធុនធំបុកកាត់ហ្វូងមនុស្សនៅទីក្រុងនីស ដែលស្ថិតនៅប៉ែកខាងត្បូងប្រទេស។
គេជឿថា មានមនុស្សយ៉ាងហោចណាស់៨០នាក់បានស្លាប់ដោយក្នុងនោះរួមមានទាំងកុមារផងដែរ និងមនុស្សជាច្រើនទៀតរងរបួស។
មានសេចក្តីរាយការណ៍ថា រថយន្តដឹកទំនិញនោះបានផ្ទុកគ្រឿងផ្ទុះជាច្រើន នៅពេលដែលបើកបុកហ្វូងមនុស្សដែលកំពុងតែមើលការបាញ់កាំជ្រួចនៅថ្ងៃបុណ្យជាតិបារាំង។
អ្នកបើកបររថយន្តនោះត្រូវបានប៉ូលិសបាញ់ស្លាប់។
ប្រធានាធិបតីបារាំងនិយាយថា មានការដាក់ពង្រាយប៉ូលិសនិងទាហាន១ម៉ឺននាក់បន្ថែមដើម្បីជាការឆ្លើយតប ជាពិសេសដើម្បីត្រួតពិនិត្យព្រំដែន។
Share
