បិទអាកាសយានដ្ឋានអន្តរជាតិភ្នំពេញទាំងស្រុង ខណៈដែលអាកាសយានដ្ឋានអន្តរជាតិតេជោបើកដំណើរការ

អាកាសយានដ្ឋានអន្តរជាតិតេជោ ស្ថិតនៅព្រំប្រទល់ខេត្តកណ្តាល និងខេត្តតាកែវ ចម្ងាយប្រមាណ ២០គ.ម ពីភ្នំពេញ។ Credit: Wikimedia Commons/Superwanro20/CC0

អាកាសយានដ្ឋានអន្តរជាតិភ្នំពេញ ឬព្រលានយន្តហោះពោធិ៍ចិនតុង ដែលបានដំណើរការអស់ពេលជិត ៧០ឆ្នាំ គិតចាប់តាំងពីឆ្នាំ១៩៥៩ ត្រូវបានបិទដំណើរការទាំងស្រុង នៅម៉ោង ១២កណ្តាលយប់ រំលងអាធ្រាត្រ ថ្ងៃទី៨ ឈានចូលថ្ងៃទី៩ ខែកញ្ញា ឆ្នាំ២០២៥។ ទន្ទឹមគ្នានេះ កម្ពុជា បានបើកដំណើរការអាកាសយានដ្ឋានអន្តរជាតិថ្មី ដែលមានឈ្មោះថា អាកាសយានដ្ឋានអន្តរជាតិតេជោ ដែលស្ថិតនៅព្រំប្រទល់ខេត្តកណ្តាល និងខេត្តតាកែវ ចម្ងាយប្រមាណ ២០គ.ម ពីភ្នំពេញ ដែលបានសាងសង់លើផ្ទៃដីដ៏ធំទូលាយប្រមាណ ២៦០០ ហិកតា។