តំណាងគណបក្សនយោបាយធំៗ៖ «ការរំលាយគណបក្សសង្គ្រោះជាតិ មិនបានប៉ះពាល់ដល់ដំណើរការប្រជាធិបតេយ្យ នៅកម្ពុជានោះទេ»

តំណាងគណបក្សនយោបាយធំៗ បានលើកឡើងថា ការរំលាយគណបក្សសង្គ្រោះជាតិ ដោយតុលាការកំពូល កាលពីថ្ងៃទី១៦ ខែវិច្ឆិកា ឆ្នាំ២០១៧ គឺមិនបានប៉ះពាល់ដល់ដំណើរការប្រជាធិបតេយ្យ ឬធ្វើអោយប្រជាធិបតេយ្យនៅកម្ពុជា ដើរថយក្រោយនោះទេ។

Cambodia political debate after the dissolution of CNRP Source: Meng Phalla

ការលើកឡើង​ដូច្នេះ​របស់​តំណាង​គណបក្ស​ប្រជាជន​កម្ពុជា គណបក្ស​ហ៊្វុន​ស៊ិន​ប៉ិច និង គណបក្ស​សម្ព័ន្ធ​ដើម្បី​ប្រជាធិបតេយ្យ បាន​ធ្វើ​ឡើង ​នៅ​ក្នុង​កិច្ច​ពិភាក្សា​តុ​មូល​​ស្ដី​ពី​ "​ដំណើរ​ការ​ប្រជា​ធិបតេយ្យ​នៅ​កម្ពុជា​ ក្រោយ​​អវត្តមាន​​គណបក្ស​សង្គ្រោះ​ជាតិ”។ កិច្ច​ពិភាក្សានេះ បានធ្វើ​ឡើង នៅ​ព្រឹក​ថ្ងៃ​២១ ខែវិច្ឆិកា ​រៀបចំ​ឡើងដោយ​​រាជ​បណ្ឌិត​សភា​កម្ពុជា។​