ដំណឹងនៃការបើកសាលាបង្រៀនថែទាំមនុស្សចាស់នេះ ត្រូវបានប្រកាសក្នុងកិច្ចប្រជុំរវាងលោក អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ និងលោក Kondo Yoshio ប្រធានក្រុមហ៊ុន Procast (CAMBODIA) Co., Ltd. នៅទីស្តីការក្រសួងការងារ កាលពីព្រឹកថ្ងៃទី១៨ ខែមករា ឆ្នាំ២០១៨។
ក្នុងជំនួប លោក Kondo Yoshio បានជម្រាបជូនលោករដ្ឋមន្ត្រីថា វិទ្យាស្ថានថែទាំមនុស្សចាស់នេះ នឹងបណ្តុះបណ្តាលដល់សិក្ខាកាមកម្ពុជា ដែលមានបំណងចង់ទៅធ្វើការនៅប្រទេសជប៉ុន ឲ្យយល់ដឹងពីវិធីសាស្រ្តមើលថែទាំមនុស្សចាស់បានយ៉ាងល្អ ដែលក្នុងនោះ មានការបណ្តុះបណ្តាលជាភាសាជប៉ុន ចិត្តវិទ្យាក្នុងការថែទាំមនុស្សចាស់ និងការសង្គ្រោះបឋម ជាដើម។
