ក្រុម​ហ៊ុន​អាកាសចរណ៍​ដាក់​ចេញ​នូវ​វិធាន​ការ​ផ្សេងៗ​ពេល​ចាប់​ផ្តើម​ដំណើរ​ការ​ហោះ​ហើរ​ឡើង​វិញ

ទាំងក្រុមហ៊ុនអាកាសចរណ៍អូស្ត្រាលី Qantas និង Regional Express បានប្រកាសពីវិធានការផ្សេងៗក្នុងការការពារការឆ្លង COVID-19 ដែលគេជឿជាក់ថានឹងធានាដល់សុវត្ថិភាពដល់អ្នកដំណើរ។ សេចក្តីប្រកាសនេះធ្វើឡើងបន្ទាប់ពីក្រុមហ៊ុនអាកាសចរណ៍នៅទូទាំងពីភពលោកបានជំរុញឲ្យធ្វើការចាប់ផ្តើមការហោះហើរឡើងវិញទាំងក្នុងស្រុក និងអន្តរជាតិ ខណៈដែលវិស័យអាកាសចរណ៍រងផលប៉ះពាល់យ៉ាងធ្ងន់ធ្ងរដោយសារតែរោគរាតត្បាត coronavirus ។