រដ្ឋសភា ដែលមានអ្នកតំណាងរាស្ត្រ ១២៥ រូប មកតែពីគណបក្សប្រជាជនកម្ពុជាតែមួយ បានបើកកិច្ចប្រជុំ បោះឆ្នោត ផ្តល់សេចក្តីទុកចិត្តលើសមាសភាពថ្នាក់ដឹកនាំរដ្ឋសភា និងសមាជិករាជរដ្ឋាភិបាលថ្មី នីតិកាលទី៦ កាលពីព្រឹកថ្ងៃទី០៦ ខែកញ្ញា ឆ្នាំ២០១៨។ សមាសភាពរាជរដ្ឋាភិបាលថ្មី ត្រូវបានកាត់បន្ថយមកនៅត្រឹមចំនួន ៥៧រូបប៉ុណ្ណោះ ពោលគឺសមាជិករាជរដ្ឋាភិបាល អាណត្តិថ្មីនេះ មានត្រឹមតែនាយករដ្ឋមន្ត្រី ១រូប ឧបនាយករដ្ឋមន្ត្រី ១០រូប ទេសរដ្ឋមន្ត្រី ១៧រូប និងរដ្ឋមន្ត្រី ២៩ រូបប៉ុណ្ណោះ។ ក៏ប៉ុន្តែរដ្ឋមន្ត្រីតាមក្រសួង ចំនួន ២៨ ក្រសួង មិនមានការផ្លាស់ប្តូរ ខុសពីរដ្ឋមន្ត្រីក្នុងអាណត្តិមុនឡើយ។
Share
