ប្រមុខយោធាអាមេរិក និងចិន ជួបពិភាក្សានៅក្នុងខេត្តសៀមរាប

រដ្ឋមន្ត្រីការពារជាតិអាមេរិក លោក ឡយដ៍ អូស្ទីន (Lloyd Austin) និងសមភាគីចិន លោក វ៉ី ហ្វឹងហឺ (Wei Feng he) បានជួបពិភាក្សាទល់មុខគ្នា នៅថ្ងៃអង្គារ ទី២២ ខែវិច្ឆិកា ក្នុងខេត្តសៀមរាប លើទឹកដីកម្ពុជា ក្នុងកិច្ចខិតខំព្យាយាមបន្ធូរបន្ថយភាពតានតឹង ដែលកំពុងកើតមានឡើងរវាងមហាអំណាចទាំងពីរ។ ជំនួបដ៏កម្រនេះបានធ្វើឡើង ក្នុងឱកាសដែលប្រមុខយោធាប្រទេសទាំង២ អាមេរិក និងចិន បានអញ្ជើញមកចូលរួមកិច្ចប្រជុំថ្នាក់រដ្ឋមន្ត្រីការពារជាតិអាស៊ាន និងប្រទេសដៃគូ ដែលរៀបចំឡើង នៅឯខេត្តសៀមរាប ដែលកម្ពុជា ធ្វើជាម្ចាស់ផ្ទះ។

---