កាលពីសប្តាហ៍មុន លោក អៀង វុទ្ធីនាយកប្រតិបត្តិអង្គការ សមធម៌កម្ពុជា បានដឹកនាំអ្នកភូមិមួយក្រុមមកពីស្រុកឱរ៉ាល់ខេត្តកំពង់ស្ពឺ ដើម្បីស្វែងរកជំនួយផ្លូវច្បាប់ប្តឹងធនាគារ ANZ អូស្រ្តាលី ទាមទារជំងឺចិត្ត ៤លានដុល្លារអាម៉េរិក ដោយចោទប្រកាន់ថាធនាគារបានផ្តល់ប្រាក់កម្ចីដល់ក្រុមហ៊ុន ភ្នំពេញស៊ូហ្គឺ ដើម្បីអភិវឌ្ឍន៍លើដីសម្បទាន ដែលរងការចោទថាបានរំលោភបំពានលើដីរបស់ប្រជាពលរដ្ឋស្លូតត្រង់។
ដោយឡែក លោក ស៊ិន សត្ថា តំណាងក្រុមហ៊ុន ភ្នំពេញស៊ូហ្គឺ បានប្រាប់វិទ្យុSBS តាមទូរសព្ទថា ក្រុមហ៊ុន រីករាយនិងស្វាគមន៍ឲ្យមានជំនួបតទល់គ្នាជាមួយសហគមន៍ ក៏ដូចជាអង្គការសមធម៌កម្ពុជា ដើម្បីដោះស្រាយបញ្ហានេះឲ្យបានដាច់ស្រេច៕
Share
