ខណៈកំពុងប្រឈមនឹងជំនន់ទឹកភ្លៀង កម្ពុជាអាចបន្តមានភ្លៀងធ្លាក់ខ្លាំងប៉ុន្មានថ្ងៃទៀត

ក្រសួងធនធានទឹក និងឧតុនិយម បានប្រកាសថា នៅកម្ពុជា ចាប់ពីថ្ងៃទី១៧ ដល់ថ្ងៃទី១៩ ខែតុលា នៅបណ្តាខេត្តនានា អាចមានភ្លៀងធ្លាក់ច្រើន នៅបណ្តាខេត្តនៅតំបន់វាលទំនាប រួមមាន ខេត្តសៀមរាប បន្ទាយមានជ័យ បាត់ដំបង ពោធិ៍សាត់ កំពង់ធំ កំពង់ឆ្នាំង កំពង់ស្ពឺ កណ្តាល និងនៅរាជធានីភ្នំពេញ។ រីឯបណ្តាខេត្តនៅតំបន់ជួរភ្នំដងរែក តំបន់ខ្ពស់រាបភាគឦសាន និងខេត្តជាប់ព្រំដែនប្រទេសវៀតណាម រួមមាន ខេត្តរតនគិរី មណ្ឌលគិរី ស្ទឹងត្រែង ក្រចេះ ត្បូងឃ្មុំ ខេត្តកំពង់ចាម ខេត្តឧត្តរមានជ័យ និងខេត្តព្រះវិហារ នឹងអាចមានភ្លៀង ពីបង្គួរ ទៅច្រើន។