2018 ലോകകപ്പ് ഫുട്‌ബോളിന് ഓസ്‌ട്രേലിയ യോഗ്യത നേടി

ഹോണ്ടുറാസിനെതിരെയുള്ള പ്ലേ ഓഫ് മത്സരത്തില്‍ വിജയിച്ച് ഓസ്‌ട്രേലിയ 2018ലെ ഫുട്‌ബോള്‍ ലോകകപ്പിന് യോഗ്യത നേടി. സിഡ്‌നിയില്‍ നടന്ന പ്ലേ ഓഫ് രണ്ടാം പാദ മത്സരത്തില്‍ 3-1നാണ് സോക്കരൂസ് ജയിച്ചത്.

(Getty Images) Source: Getty images

റഷ്യയിലാണ് അടുത്ത വര്‍ഷത്തെ ലോകകപ്പ് നടക്കുക.

27 മാസങ്ങള്‍ നീണ്ട യോഗ്യതാ റൗണ്ടുകള്‍ക്കും പ്ലേ ഓഫിനും ഒടുവിലാണ് സോക്കരൂസ് റഷ്യന്‍ ടിക്കറ്റ് ഉറപ്പിച്ചത്. 22 മത്സരങ്ങളും ഇതിനിടയില്‍ കളിച്ചു.

ഹോണ്ടുറാസില്‍ നടന്ന ആദ്യപാദ മത്സരം ഗോള്‍രഹിത സമനിലയിലായിരുന്നു. എന്നാല്‍ ഹോം മത്സരത്തില്‍ മികച്ച വിജയത്തോടെ ഓസ്‌ട്രേലിയ യോഗ്യത ഉറപ്പിച്ചു.