കഴിഞ്ഞ രണ്ട് മാസങ്ങളായി ആരാധനാലയങ്ങൾ ഓൺലൈൻ ആയാണ് പ്രാർത്ഥനകൂട്ടായ്മകളും മറ്റും നടത്തിവന്നത്.
സംസ്ഥാന സർക്കാർ നിയന്ത്രണങ്ങളിൽ ഇളവ് പ്രഖ്യാപിച്ചതോടെ ഇവിടെ പത്ത് പേർക്ക് വരെയാണ് ഒത്തുചേരാൻ അനുവാദം ഉള്ളത്.
റെസ്റ്റോറന്റുകളിലും കഫെകളിലും പബ്ബുകളുമെല്ലാം തിങ്കളാഴ്ച മുതൽ 50 പേർക്ക് ഒത്തുചേരാൻ കഴിയുന്ന വിധത്തിൽ സംസ്ഥാന സർക്കാർ നിയന്ത്രണങ്ങളിൽ കൂടുതൽ ഇളവുകൾ നടപ്പിലാക്കുകയാണ്.
എന്നാൽ ആരാധനാലയങ്ങളിൽ പത്ത് പേർക്ക് ഒത്തുചേരാമെന്ന നിയന്ത്രണത്തിൽ സർക്കാർ മാറ്റങ്ങൾ വരുത്തിയിട്ടില്ല. ഇതിനെതിരെയാണ് സിഡ്‌നിയിലെ കത്തോലിക്കാ സഭ രംഗത്തെത്തിയിരിക്കുന്നത്.
പബ്ബുകളിൽ 50 പേരെ അനുവദിക്കുമ്പോൾ പള്ളികളിൽ പത്ത് പേർക്ക് മാത്രം അനുവാദം നൽകുന്ന നടപടിയിൽ മാറ്റം വരുത്തണമെന്നും പള്ളികളിൽ കൂടുതൽ പേർക്ക് അനുവാദം നൽകണമെന്നും ആവശ്യപ്പെട്ട് സർക്കാരിന് നിവേദനം നല്കാൻ ഒരുങ്ങുകയാണ് സിഡ്നി കത്തോലിക്കാ ആർച് ഡയോസിസ്.
ഈ നിവേദനത്തിൽ ഒപ്പിടാൻ വിശ്വാസികളോട് സഭ ആവശ്യപ്പെട്ടിട്ടുണ്ട്.
മറ്റുള്ളവരെ പോലെ വിശ്വാസികളെയും തുല്യമായി പരിഗണിക്കണം. നിയന്ത്രണങ്ങളിൽ കൂടുതൽ ഇളവുകൾ നടപ്പിലാക്കുന്ന ജൂൺ ഒന്ന് മുതൽ പള്ളികളിൾ പ്രാർത്ഥനക്കും മറ്റുമായി കൂടുതൽ വിശ്വാസികളെ അനുവദിക്കണമെന്നാണ് അർച്ച് ബിഷപ്പ് ആന്തണി ഫിഷർ നിവേദനത്തിൽ ആവശ്യപ്പെട്ടിരിക്കുന്നത്.
ഇത് സംബന്ധിച്ച് രണ്ട് തവണ പ്രീമിയർ ഗ്ലാഡിസ് ബെറജക്ലിയന് കത്തയച്ചുവെങ്കിലും തന്റെ ആവശ്യങ്ങൾ പ്രീമിയർ അവഗണിക്കുകയാണ് ചെയ്തതെന്നും അർച്ച് ബിഷപ്പ് ചൂണ്ടിക്കാട്ടി.
People in Australia must stay at least 1.5 metres away from others and gatherings are limited to two people unless you are with your family or household.
If you believe you may have contracted the virus, call your doctor (don’t visit) or contact the national Coronavirus Health Information Hotline on 1800 020 080. If you are struggling to breathe or experiencing a medical emergency, call 000.
SBS is committed to informing Australia’s diverse communities about the latest COVID-19 developments. News and information is available in 63 languages at sbs.com.au/coronavirus.
