ടെൽസ്ട്ര സി ഇ ഒ ആൻഡ്രൂ പെൻ 'ടെൽസ്ട്ര 2022' പദ്ധതി പ്രഖ്യാപിച്ചു. അടുത്ത നാല് വർഷത്തിനുള്ളിൽ കടുത്ത നടപടികളിലൂടെ 2.5 ബില്യൺ ഡോളർ ചെലവ് ചുരുക്കാനാണ് പദ്ധതി.
പദ്ധതിയുടെ ഭാഗമായി 2022 ആകുമ്പോഴേക്കും എണ്ണായിരത്തോളം മിഡിൽ മാനേജ്മെൻറ് തസ്തികകളും കരാർ ജോലികളും നിർത്തലാക്കും.
മൊബൈൽ വാണിജ്യ രംഗത്തെ ശക്തമായ മത്സരങ്ങളും എൻ ബി എന്നിൽ (NBN) നിന്ന് പ്രതീക്ഷിച്ച വരുമാനം ലഭിക്കാത്തതും കമ്പനിയെ കമ്പനിയെ പ്രതികൂലമായി ബാധിച്ചതായി സി ഇ ഒ ആൻഡ്രൂ പെൻ പറഞ്ഞു.
തൊഴിൽ നഷ്ടമാകുന്നവർക്ക് പരിശീലനങ്ങൾക്കും സഹായത്തിനുമായി 50 മില്യൺ ഡോളറിന്റെ സഹായ പദ്ധതികൾ നടപ്പിലാക്കും എന്നും ആൻഡ്രൂ പെൻ അറിയിച്ചു.
ടെൽസ്ട്ര ജീവനക്കാരുടെ ഉത്ക്കണ്ഠ മനസ്സിലാക്കുന്നുവെന്നും തൊഴിൽ നഷ്ടമാകുന്നവർക്ക് പുതിയ തൊഴിൽ സാധ്യതകൾ ഉറപ്പ് വരുത്താൻ സർക്കാർ ശ്രമിക്കുമെന്നും ട്രഷറർ സ്കോട്ട് മോറിസൺ അറിയിച്ചു.
Share
