കൊവിഡ് ചികിത്സാരംഗത്തെ ഡോക്ടറുടെ കാറിന് പാർക്കിംഗ് ഫൈൻ; പ്രതിഷേധമുയർന്നപ്പോൾ നടപടി പിൻവലിച്ച് മെൽബൺ കൗൺസിൽ

മെൽബണിൽ കൊവിഡ് പ്രതിരോധത്തിൽ മുന്നണിപോരാളിയായ ഡോക്ടർക്ക് നൽകിയ പാർക്കിംഗ് ടിക്കറ്റ് മെൽബൺ കൗൺസിൽ പിൻവലിച്ചു. ഇതിനു പിന്നാലെ, ഡോക്ടർമാരും നഴ്സുമാരും ഉൾപ്പെടെയുള്ള മുന്നണിപോരാളികൾക്ക് മെൽബണിൽ കൂടുതൽ പാർക്കിംഗ് പെർമിറ്റുകൾ അനുവദിച്ചു.

Source: Getty Images

മെൽബണിലെ റോയൽ മെൽബൺ ആശുപത്രിയിലെ ICUൽ ജോലിചെയ്യുന്ന ഡോക്ടർക്കാണ് പാർക്കിംഗിന് 99 ഡോളർ പിഴ ലഭിച്ചത്.

തുടർച്ചയായി 14 മണിക്കൂർ ജോലി ചെയ്ത ശേഷം രാത്രി പത്തു മണിക്ക് കാറിലേക്ക് തിരിച്ചെത്തിയപ്പോഴാണ് ഡോക്ടർ കാതറീന അരഞ്ചലോവിക് പിഴയടക്കാനുള്ള ടിക്കറ്റ് കാണുന്നത്.

ആശുപത്രിക്ക് സമീപത്തുള്ള റോഡരികിൽ കാർ പാർക്ക് ചെയ്തിരിക്കുകയായിരുന്നു ഡോ. കാതറീന.

ഇതേതുടർന്ന് പിഴ ടിക്കറ്റിന്റെ ചിത്രം ട്വീറ്റ് ചെയ്ത് ഡോക്ടർ കാതറീന സമൂഹമാധ്യമത്തിലൂടെ പ്രതികരിച്ചിരുന്നു.

കഴിഞ്ഞ നാല് ദിവസങ്ങളിലായി 56 മണിക്കൂർ സംസ്ഥാനത്തെ ഏറ്റവും മോശം അവസ്ഥയിലുള്ള രോഗികളെ ശുശ്രൂഷിച്ചയാളാണെന്ന് താനെന്ന് ചൂണ്ടിക്കാട്ടി, സിറ്റി ഓഫ് മെൽബണിനും മേയർ സാലി ക്യാപ്പിനും ടാഗ് ചെയ്തായിരുന്നു ഡോക്ടർ ട്വീറ്റ് ചെയ്തത്.

ഡോക്ടറുടെ സോഷ്യൽ മീഡിയ പോസ്റ്റ് വ്യാപകമായി ഷെയർ ചെയ്യപ്പെടുകയും ചെയ്തു.

എന്നാൽ നാലാം ഘട്ട ലോക്ക് ഡൗണിലും പാക്കിംഗ് നിയന്ത്രണങ്ങൾ  ബാധകമാണെന്നായിരുന്നു സിറ്റി ഓഫ് മെൽബൺ വക്താവിന്റെ ആദ്യ പ്രതികരണം.

ഇതിനിടെ കോവിഡ് മുൻനിരയിൽ പ്രവർത്തിക്കുന്ന ഡോക്ടർക്ക് പിഴ നൽകിയത് ശരിയായ നടപടിയല്ലെന്ന് പ്രീമിയർ ഡാനിയേൽ ആൻഡ്രൂസ് വ്യക്തമാക്കി. ഇതിൽ തുടർനടപടി കൈക്കൊള്ളും എന്നും പ്രീമിയർ വ്യക്തമാക്കിയിരുന്നു.

ഇതിന് പിന്നാലെയാണ്, ഡോക്ടർക്ക് നൽകിയ പാക്കിംഗ് പിഴ പിൻവലിച്ചുവെന്നറിയിച്ചു സിറ്റി ഓഫ് മെൽബൺ ട്വീറ്റ് ചെയ്തത്. 

കൊവിഡ് പ്രതിരോധ രംഗത്ത് ആരോഗ്യമേഖലാ പ്രവർത്തർ നൽകുന്ന മഹത്തായ സേവനം കണക്കിലെടുത്ത് പിഴ പിൻവലിക്കുന്നുവെന്ന് അറിയിച്ചുകൊണ്ടാണ് സിറ്റി ഓഫ് മെൽബൺന്റെ ട്വീറ്റ്.  റോയൽ മെൽബൺ ആശുപത്രിയിലെ നഴ്സുമാർക്കും ഡോക്ടർമാർക്കും അധിക പാർക്കിംഗ് പെർമിറ്റ് നല്കുമെന്നും ട്വീറ്റിൽ പറയുന്നു.

മുൻനിര പോരാളികൾക്ക് പാർക്കിംഗ് പെർമിറ്റുകൾ

കൊറോണവൈറസ് ബാധിച്ചവരെ ശുശൂഷിക്കുന്ന ആരോഗ്യ പ്രവർത്തകർക്ക് 5,000 അധിക പാർക്കിങ് പെർമിറ്റുകൾ നൽകുമെന്ന് സിറ്റി ഓഫ് മെൽബൺ മേയർ അറിയിച്ചു.  

നിലവിലെ പാർക്കിംഗ് പെര്മിറ്റുകൾക്ക് പുറമെയാണിത്. ഇതോടെ ആകെ 15,000 പെർമിറ്റുകളാണ് സിറ്റി ഓഫ് മെൽബൺ കോവിഡ് മുന്നണിപോരാളികൾക്ക് നൽകിയിരിക്കുന്നത്.

ആരോഗ്യ പ്രവർത്തകർ ചെയ്യുന്ന പ്രവർത്തനം വളരെ വലുതാണെന്നും പാർക്കിംഗ് പിഴ അടയ്ക്കാനുള്ള ടിക്കറ്റ് ലഭിച്ചാൽ സിറ്റി ഓഫ് മെൽബനുമായി ബന്ധപ്പെടണമെന്നും മേയർ പ്രസ്താവനയിലൂടെ അറിയിച്ചു.

Metropolitan Melbourne residents are subject to Stage 4 restrictions and must comply with a curfew between the hours of 8pm and 5am. The only reasons for Melbourne residents to leave home during these hours are for exercise, to shop for necessary goods and services, for work, for health care, or to care for a sick or elderly relative.  

The full list of restrictions can be found here.  
All Victorians must wear a face covering when they leave home, no matter where they live.  
People in Australia must stay at least 1.5 metres away from others. Check your state’s restrictions on gathering limits. 
If you are experiencing cold or flu symptoms, stay home and arrange a test by calling your doctor or contact the Coronavirus Health Information Hotline on 1800 020 080. News and information is available in 63 languages at sbs.com.au/coronavirus