ന്യൂ സൗത്ത് വെയിൽസിൽ പുതിയതായി മൂന്ന് പേരിൽ സാമൂഹിക വ്യാപനത്തിലൂടെ കൊറോണവൈറസ് സ്ഥിരീകരിച്ചു.
സാമൂഹിക വ്യാപനം ഇല്ലാതെ രണ്ടാഴ്ചയോളം പിന്നിട്ട ന്യൂ സൗത്ത് വെയിൽസിൽ വിദേശത്ത് നിന്ന് തിരിച്ചെത്തിയവരിൽ മാത്രമായിരുന്നു കഴിഞ്ഞ ദിവസങ്ങളിൽ കൊവിഡ് രോഗം സ്ഥിരീകരിച്ചിരിക്കുന്നത്.
പാരമറ്റ, കാംഡെൻ, വള്ളോൻഡിലി എന്നിവടങ്ങളിൽ ആണ് സാമൂഹിക വ്യാപനത്തിലൂടെ പുതിയ കൊറോണവൈറസ് ബാധ സ്ഥിരീകരിച്ചിരിക്കുന്നത്. ഇവ തമ്മിൽ ബന്ധമുണ്ടെന്ന് അധികൃതർ കരുതുന്നില്ല.
സംസ്ഥാനത്ത് വീണ്ടും സാമൂഹിക വ്യാപനത്തിലൂടെ രോഗബാധ സ്ഥിരീകരിച്ചതോടെ അതിർത്തികൾ തുറക്കുന്ന വിഷയം സംശയത്തിലായിരിക്കുകയാണ്.
NSWൽ തുടർച്ചയായി 28 ദിവസം സാമൂഹിക വ്യാപനമില്ലാത്ത സാഹചര്യത്തിൽ അതിർത്തികൾ തുറക്കുമെന്നായിരുന്നു QLD പ്രീമിയർ അനസ്തേഷ്യ പാലഷെ പറഞ്ഞിരുന്നത്.
അതെ സമയം വിക്ടോറിയയിലെ ഉൾനാടൻ മേഖലയായ കിൽമോറിൽ 177 പേരോട് ക്വാറന്റൈനിൽ പോകാൻ നിർദ്ദേശിച്ചിരിക്കുകയാണ് അധികൃതർ.
കിൽമോറിൽ രണ്ടു പേരിലാണ് കൊവിഡ് രോഗം സ്ഥിരീകരിച്ചത്.
മെൽബണിൽ നിന്നുള്ള ഒരു യാത്രക്കാരൻ പ്രദേശത്തുള്ള കഫേ സന്ദർശിച്ചതിന് പിന്നാലെയാണ് ക്വറന്റൈൻ നിർദ്ദേശം നൽകിയിരിക്കുന്നത്. മെൽബണിലെ ചാഡ്‌സ്റ്റൺ കൊറോണവൈറസ് ക്ലസ്റ്ററുമായി ബന്ധമുള്ള വ്യക്തിയായിരുന്നു കിൽമോറിൽ കഫെ സന്ദർശിച്ചത്.
ഇപ്പോഴുള്ള നിയന്ത്രണങ്ങൾ ലംഘിച്ചാണ് സെപ്റ്റംബർ 30ന് ഇയാൾ കിൽമോർ ഓഡ്ഫെല്ലോസ് കഫെ സന്ദർശിച്ചത് എന്ന് റിപ്പോർട്ട് വ്യക്തമാക്കുന്നു.
എന്നാൽ ഉൾനാടൻ മേഖലയിൽ ജോലി ചെയ്യാൻ വർക്ക് പെർമിറ്റ് ഉണ്ടായിരുന്ന വ്യക്തി സന്ദർശന സമയത്ത് ക്ലസ്റ്ററുമായി ബന്ധമുള്ള കാര്യം അറിഞ്ഞിരുന്നില്ല എന്നാണ് റിപ്പോർട്ട്.
ഇതിന് പിന്നാലെ കഫെ സന്ദർശിച്ച 177 പേരോട് പതിനാല് ദിവസത്തേക്ക് ക്വാറന്റൈൻ ചെയ്യാൻ ആവശ്യപ്പെട്ടിരിക്കുകയാണ് വിക്ടോറിയൻ ആരോഗ്യ വകുപ്പ്. ഇവരുടെ അടുത്ത ബന്ധുക്കളോടും ക്വാറന്റൈൻ ചെയ്യാൻ നിർദ്ദേശിച്ചിട്ടുണ്ട്.
ചാഡ്‌സ്റ്റൺ ക്ലസ്റ്ററുമായി ബന്ധപ്പെട്ട് മുപ്പത്തിയൊന്ന് പേരിലാണ് രോഗബാധ ഇത് വരെ സ്ഥിരീകരിച്ചിരിക്കുന്നത്.
People in Australia must stay at least 1.5 metres away from others. Check your jurisdiction's restrictions on gathering limits.
If you are experiencing cold or flu symptoms, stay home and arrange a test by calling your doctor or contact the Coronavirus Health Information Hotline on 1800 020 080. News and information is available in 63 languages at https://sbs.com.au/coronavirus
Please check the relevant guidelines for your state or territory: NSW,Victoria, Queensland, Western Australia, South Australia, Northern Territory, ACT, Tasmania
