ആസ്ട്രസെനക്ക വാക്സിൻ ശരീരത്തിലെ രക്തം കട്ടപിടിച്ച കാരണമാകുമെന്ന റിപ്പോർട്ടുകളെത്തുടർന്നാണ് പല യൂറോപ്യൻ രാജ്യങ്ങളും വാക്സിൻ വിതരണം താത്കാലികമായി നിർത്തിവച്ചത്.
എന്നാൽ ആസ്ട്രസെനക്ക സുരക്ഷിതമാണെന്ന് യൂറോപ്യൻ മെഡിസിൻസ് ഏജൻസി (EMA) അറിയിച്ചതിനെത്തുടർന്ന് യൂറോപ്യൻ രാജ്യങ്ങൾ വാക്സിൻ വിതരണം പുനരാരംഭിക്കും.
ഫ്രാൻസ്, ഇറ്റലി, ജർമ്മനി, സ്പെയിൻ, സ്ലോവേനിയ, ബൾഗേറിയ എന്നീ രാജ്യങ്ങളാണ് നിർത്തി വച്ച വാക്സിൻ വിതരണം പുനരാരംഭിക്കുമെന്ന് അറിയിച്ചത്. `
ആസ്ട്രസെനക്ക വാക്സിൻ സുരക്ഷിതവും ഫലപ്രദവുമാണെന്ന് കമ്മിറ്റി വ്യക്തമായ ശാസ്ത്രീയ നിഗമനത്തിലെത്തിയെന്ന് ഇ എം എ ചീഫ് എമെർ കുക്ക് അറിയിച്ചു. ഇ എം എ യുടെ സുരക്ഷാ കമ്മിറ്റി നടത്തിയ ശാസ്ത്രീയ പരിശോധനകളുടെ അടിസ്ഥാനത്തിലാണ് ഈ നിഗമനത്തിലെത്തിയതെന്നും അദ്ദേഹം പറഞ്ഞു.
മാത്രമല്ല രക്തം കട്ട പിടിക്കാൻ വാക്സിൻ കരണമാകുന്നിലെന്നും അദ്ദേഹം വ്യക്തമാക്കി.
വാക്‌സിനേഷൻ എടുത്തതിന് ശേഷം രക്തം കൂടുതൽ കട്ടപിടിക്കുന്നതായി തെളിവുകൾ ഒന്നും ലഭിച്ചിട്ടില്ലെന്ന് മെഡിസിൻസ് ആൻഡ് ഹെൽത്കെയർ ഉൽപ്പന്നങ്ങളുടെ പ്രവർത്തനങ്ങൾ നിരീക്ഷിക്കുന്ന ഏജൻസി (MHRA) യുടെ ചീഫ് എക്സിക്യൂട്ടീവ് ജൂൺ റൈനും അറിയിച്ചു.
വാക്സിൻ സുരക്ഷിതമാണെന്നും വിതരണം നിർത്തിവയ്ക്കരുതെന്നും ലോകാരോഗ്യ സംഘടനയും കഴിഞ്ഞ ദിവസം അറിയിച്ചിരുന്നു.
രക്തം കട്ടപിടിക്കാൻ കാരണമാകുമെന്ന റിപ്പോർട്ടുകളെത്തുടർന്ന് 13 രാജ്യങ്ങളാണ് ആസ്ട്രസെനക്ക വാക്സിൻ വിതരണം നിർത്തിവച്ചത്. മുൻകരുതലോടുകൂടിയ താത്കാലിക നടപടിയാണിതെന്നാണ് വാക്സിൻ വിതരണം നിർത്തി വെച്ച രാജ്യങ്ങൾ അറിയിച്ചിരുന്നത്.
ആസ്ട്രാസെനക്ക വാക്സിൻ സ്വീകരിച്ച 60 വയസ്സുള്ള സ്ത്രീ രക്തം കട്ടപിടിച്ച് മരിച്ചതിനെ തുടർന്നാണ് ഡെന്മാർക്ക് വാക്സിൻ വിതരണം താത്കാലികമായി നിർത്തിവച്ചത്.
അതേസമയം ആസ്ട്രാസെനെക്ക വാക്സിൻ ഉപയോഗം സംബന്ധിച്ച് ഓസ്ട്രേലിയൻ ആരോഗ്യ അധികൃതർ ആശങ്കകളൊന്നും ഉന്നയിച്ചിട്ടില്ലെന്നും അതിനാൽ വാക്സിൻ വിതരണം തുടരുമെന്നുമാണ് പ്രധാനമന്ത്രി സ്കോട്ട് മോറിസൺ വ്യക്തമാക്കിയത്.
People in Australia must stay at least 1.5 metres away from others. Check your jurisdiction's restrictions on gathering limits.
If you are experiencing cold or flu symptoms, stay home and arrange a test by calling your doctor or contact the Coronavirus Health Information Hotline on 1800 020 080.
Please check the relevant guidelines for your state or territory: NSW, Victoria, Queensland, Western Australia, South Australia, Northern Territory, ACT, Tasmania.
