ഓസ്‌ട്രേലിയയിൽ കൊറോണവൈറസ് ബാധ രൂക്ഷമായതോടെ രോഗത്തെക്കുറിച്ചുള്ള വിവരങ്ങൾ പൊതുജനങ്ങളിലേക്ക് എത്തിക്കാൻ 'കൊറോണവൈറസ് ഓസ്ട്രേലിയ' എന്ന പേരിൽ ആരോഗ്യ വകുപ്പ് ഒരു ആപ്പ് തയ്യാറാക്കിയിരുന്നു.
ഇതിന് പിന്നാലെയാണ് രോഗബാധിതരുമായി സമ്പർക്കം പുലർത്തിയോ എന്നറിയാനുള്ള പുതിയ ആപ്പ് സജ്ജമാക്കുമെന്ന് ഫെഡറൽ സർക്കാർ അറിയിച്ചത്. രോഗ വ്യാപനം തടയാനുള്ള സർക്കാർ പദ്ധതികളുടെ ഭാഗമായാണ് ഈ പുതിയ ആപ്പ്.
രണ്ടാഴ്ചക്കുള്ളിൽ ആപ്പ് തയ്യാറാകും. ഈ ആപ്പ് ഉപയോഗിക്കുന്നത് വഴി രോഗ ബാധയുള്ളവരുമായി നിങ്ങൾ ഇടപെട്ടിട്ടുണ്ടോ എന്ന് കണ്ടെത്താൻ കഴിയും. ഇത്തരത്തിൽ കൊറോണവൈറസ് രോഗമുള്ളവരുമായി ഇടപെട്ടിട്ടുണ്ടെങ്കിൽ നിങ്ങൾക്ക് ആപ്പ് വഴി സന്ദേശം ലഭിക്കും.
രോഗത്തെക്കുറിച്ച് മുന്നറിയിപ്പ് നൽകാനായി സിംഗപ്പൂർ ഉപയോഗിച്ചിരുന്ന ഈ ആപ്പ് ബ്ലൂടൂത് സാങ്കേതിക വിദ്യയിലൂടെയാണ് പ്രവർത്തിക്കുന്നത്.
സിംഗപ്പൂരിൽ ഈ ആപ്പ് ഉപയോഗിച്ചത് വഴി രോഗമുള്ളവർക്ക് അവരുടെ നീക്കങ്ങളും ഇവരുമായി സമ്പർക്കത്തിലായവരുടെ വിവരങ്ങളും ആരോഗ്യ വിദഗ്ധരെ അറിയിക്കാൻ കഴിഞ്ഞിരുന്നു.
എന്നാൽ ഇത് ജനങ്ങളുടെ സ്വകാര്യതയ്ക്ക് ഭംഗം വരുത്തുമോ എന്ന ആശങ്കയും നിലനിൽക്കുന്നുണ്ട്.
താത്പര്യമുള്ളവർ മാത്രം ആപ്പ് ഉപയോഗിച്ചാൽ മതിയെന്നും ഉപഭോക്താക്കളുടെ വിവരങ്ങൾ സുരക്ഷിതമായിരിക്കുമെന്നും സർക്കാർ വ്യക്തമാക്കി.
Australians must stay at least 1.5 metres away from other people. Indoors, there must be a density of no more than one person per four square metres of floor space.
If you believe you may have contracted the virus, call your doctor, don’t visit, or contact the national Coronavirus Health Information Hotline on 1800 020 080.
If you are struggling to breathe or experiencing a medical emergency, call 000.
