സംസ്ഥാനത്തെ ക്വറന്റൈൻ ഹോട്ടലായ ഹോളിഡേ ഇന്നിൽ ഒരാഴ്ചക്കിടെ നാല് പേർക്കാണ് കൊവിഡ് ബാധ കണ്ടെത്തിയത്.
വിദേശത്ത് നിന്ന് തിരിച്ചെത്തിയ ശേഷം ഇവിടെ ക്വാറന്റൈനിൽ കഴിഞ്ഞ ഒരാൾക്കും, ഹോളിഡേ ഇൻ ഹോട്ടലിലെ ഒരു ജീവനക്കാരനുമാണ് പുതുതായി രോഗം സ്ഥിരീകരിച്ചത്.
കൂടാതെ രോഗം ബാധിച്ച മറ്റ് രണ്ട് പേരിൽ ഒരാൾക്ക് യു കെ സ്ട്രെയിനും കണ്ടെത്തിയിരുന്നു.
സംസ്ഥാനത്ത് വീണ്ടും കൊവിഡ് ബാധ കണ്ടെത്തിയ സാഹചര്യത്തിൽ ഹോളിഡേ ഇൻ ഹോട്ടൽ അടച്ചിടുകയും ഇവിടെ നിന്നും ആളുകളെ ഒഴിപ്പിക്കുകയും ചെയ്തു.
ഒരു അറിയിപ്പ് ലഭിക്കുന്നത് വരെ ഹോട്ടൽ അടച്ചിടുമെന്നും ഇവിടെ കഴിഞ്ഞിരുന്ന 48 പേരെ പുൾമാൻ ഹോട്ടലിലേക്ക് മാറ്റുമെന്നും ക്വാറന്റൈൻ ഹോട്ടലുകളുടെ ഉത്തരവാദിത്വമുള്ള
കൊവിഡ്-19 ക്വാറന്റൈൻ വിക്ടോറിയയുടെ വക്താവ് അറിയിച്ചു.
ഹോട്ടൽ വൃത്തിയാക്കാനും, രോഗബാധിതരുമായി സമ്പർക്കത്തിലായവരെ കണ്ടെത്തി അന്വേഷണം നടത്താനുമാണ് ഇവിടെ നിന്ന് താമസക്കാരെ ഒഴിപ്പിച്ചത്.
കൂടാതെ ഇവിടുത്തെ 135 ജീവനക്കാരെ ജോലിയിൽ നിന്ന് മാറ്റി നിർത്തുകയും ഇവരോട് 14 ദിവസം വീടുകളിൽ ഐസൊലേറ്റ് ചെയ്യാനും ആവശ്യപ്പെട്ടിട്ടുണ്ട്. ഇതോടെ ഹോട്ടലിലെ 220 ജീവനക്കാരാണ് ഐസൊലേറ്റ് ചെയ്യുന്നത്.
ജനുവരി 27 നും ഫെബ്രുവരി ഒമ്പതിനുമിടയിൽ ഈ ഹോട്ടലിൽ 15 മിനിറ്റിൽ കൂടുതൽ സമയം ചിലവഴിച്ച ജീവനക്കാരെയും താമസക്കാരെയും വൈറസ്‌ബാധിതരുമായി അടുത്ത് സമ്പർക്കം പുലർത്തിയാവാരായാണ് കണക്കാക്കുന്നത്.
അതിനാൽ പരിശോധനക്കായി ആളുകൾ മുൻപോട്ടു വരണമെന്ന് സർക്കാർ ആവശ്യപ്പെട്ടു.
വിക്ടോറിയയിലേക്ക് അനുവദിക്കുന്നവരുടെ എണ്ണം ഉടൻ വർധിപ്പിക്കില്ല
ക്വാറന്റൈൻ ഹോട്ടലിൽ ഒരാഴ്ചയിൽ നാല് പേർക്ക് വൈറസ് ബാധ കണ്ടെത്തിയ സാഹചര്യത്തിൽ വിദേശത്ത് നിന്ന് തിരിച്ചെത്താൻ അനുവദിക്കുന്നവരുടെ എണ്ണം ഉടൻ വർധിപ്പിക്കില്ലെന്ന് പ്രീമിയർ ഡാനിയേൽ ആൻഡ്രൂസ് അറിയിച്ചു.
സംസ്ഥാനത്തേക്ക് തിരിച്ചെത്തുന്നവരുടെ എണ്ണം വർധിപ്പിക്കാൻ വെള്ളിയാഴ്ച കൂടിയ ദേശീയ ക്യാബിനറ്റ് തീരുമാനിച്ചിരുന്നു.
ആഴ്ചയിൽ 1,310 പേർ എന്ന നിലയിലേക്ക് വെള്ളിയാഴ്ച മുതൽ എണ്ണം ഉയർത്താനായിരുന്നു ദേശീയ ക്യാബിനെറ്റിന്റെ തീരുമാനം. നിലവിൽ 1,120 പേർക്കാണ് തിരിച്ചെത്താൻ അനുവാദമുള്ളത്.
എന്നാൽ പുതിയ വൈറസ് ബാധ കണക്കിലെടുത്ത് ഇത് താത്കാലികമായി നിർത്തിവയ്ക്കുകയാണെന്നും, എണ്ണം വർധിപ്പിക്കാൻ തീരുമാനിക്കുമ്പോൾ ഇത് സംബന്ധിച്ച പ്രഖ്യാപനം നടത്തുമെന്നും പ്രീമിയർ അറിയിച്ചു.
People in Australia must stay at least 1.5 metres away from others. Check your jurisdiction's restrictions on gathering limits.
If you are experiencing cold or flu symptoms, stay home and arrange a test by calling your doctor or contact the Coronavirus Health Information Hotline on 1800 020 080. News and information is available in 63 languages at sbs.com.au/coronavirus.
Please check the relevant guidelines for your state or territory: NSW, Victoria, Queensland, Western Australia, South Australia, Northern Territory, ACT, Tasmania.
