നിര്മ്മാണ മേഖലയിൽ കൂടുതൽ തൊഴിലവസരങ്ങൾ സൃഷ്ടിക്കാനും അതുവഴി സാമ്പത്തിക രംഗത്തെ ഉത്തേജിപ്പിക്കാനും ധനസഹായം നൽകുന്ന കാര്യം സർക്കാരിന്റെ പരിഗണനയിലുണ്ടെന്ന് പ്രധാനമന്ത്രി സ്കോട്ട് മോറിസൻ കഴിഞ്ഞ ദിവസം അറിയിച്ചിരുന്നു.
ഇത് സംബന്ധിച്ച വിശദാംശങ്ങൾ പ്രധാനമന്ത്രി വെളിപ്പെടുത്തി.
പുതിയ വീടുകളുടെ നിർമ്മാണത്തിനും നിലവിലുള്ള വീടുകളുടെ നവീകരണത്തിനുമായി 688 മില്യൺ ഡോളറിന്റെ ഹോം ബിൽഡർ പാക്കേജാണ് സർക്കാർ പ്രഖ്യാപിച്ചത്.
വീട് നിർമ്മാണത്തിനും നവീകരണത്തിനുമായി 25,000 ഡോളർ സർക്കാർ ഗ്രാന്റ് ആയി നൽകും.
ജൂൺ നാലിന് ശേഷം കോൺട്രാക്ടിൽ ഒപ്പ് വയ്ക്കുന്നവർക്കാണ് ഗ്രാന്റ് ലഭിക്കുക.
കോൺട്രാക്ട് ഒപ്പ് വച്ച് മൂന്ന് മാസത്തിനുള്ളിൽ നിർമ്മാണ പ്രവർത്തനങ്ങൾ ആരംഭിച്ചിരിക്കണം എന്നതാണ് വ്യവസ്ഥ.
ആദ്യമായി വീട് പണിയുന്നവർക്ക് മാത്രമല്ല വീട് നിർമ്മിക്കാൻ പദ്ധതിയിടുന്ന എല്ലാവര്ക്കും ഇത് ബാധകമാണെന്നും സർക്കാർ വ്യക്തമാക്കിയിട്ടുണ്ട് .
ഗ്രാന്റ് ലഭിക്കാൻ വേണ്ട യോഗ്യത
സാമ്പത്തിക സഹായം അനുവദിക്കുന്നതിൽ ചില നിബന്ധനകളും സർക്കാർ മുൻപോട്ടു വച്ചിട്ടുണ്ട്.
1,25,000 ഡോളറിൽ താഴെ വാർഷിക വരുമാനം ലഭിക്കുന്ന വ്യക്തിക്കോ, 2,00,000 ഡോളറിൽ താഴെ വാർഷിക വരുമാനമുള്ള ദമ്പതികൾക്കോ ആണ് ഈ ധനസഹായം ലഭിക്കുക.
കൂടാതെ വീടും സ്ഥലവും ഉൾപ്പെടെ 7,50,000 ഡോളർ വരെ വിലമതിക്കുന്ന വസ്തുവിനാണ് ഈ സാമ്പത്തിക ഗ്രാന്റ്.
നവീകരിക്കുന്ന വീടിന്റെ വിലയുടെ കാര്യവും സർക്കാർ വ്യക്തമാക്കിയിട്ടുണ്ട്.
1,50,000 ഡോളറിനും 7,50,000 ഡോളറിനുമിടയിലുള്ള നവീകരണ പ്രവർത്തനങ്ങൾക്കാണ് ധനസഹായം ലഭിക്കുന്നത്. മാത്രമല്ല 1.5 മില്യൺ ഡോളറിൽ താഴെ വിലമതിക്കുന്നതായിരിക്കണം ഈ നവീകരിച്ച വസ്തു.
ഗ്രാന്റ് ഇൻവെസ്റ്റ്മെന്റ് പ്രോപ്പർട്ടിക്കായി ഉപയോഗിക്കാൻ പാടില്ലായെന്നും വ്യവസ്ഥയുണ്ട്. മാത്രമല്ല സ്വിമ്മിംഗ് പൂൾ, ടെന്നീസ് കോർട്ട്, വീടിന് പുറത്തുള്ള സ്പാ, സോണ, ഷെഡ്ഡുകൾ, ഗാരേജുകൾ എന്നിവയുടെ നിർമ്മാണത്തിനായും ഈ പണം ചിലവഴിക്കാൻ അനുവാദമില്ല.
ഹോം ബിൽഡർ പദ്ധതിയിലൂടെ 27,000 ഗ്രാന്റുകൾ ലഭ്യമാക്കാൻ കഴിയുമെന്നാണ് സർക്കാരിന്റെ പ്രതീക്ഷ. ഡിസംബർ 31 വരെയാണ് ഈ സ്കീം അനുവദിക്കുന്നത്.
കൂടുതൽ തൊഴിലവസരങ്ങൾ
നിര്മ്മാണ മേഖലയിൽ കൂടുതൽ തൊഴിലവസരങ്ങൾ സൃഷ്ടിക്കാൻ ഹോം ബിൽഡർ പാക്കേജ് സഹായിക്കുമെന്നാണ് സർക്കാർ പ്രതീക്ഷിക്കുന്നത്.
ഇതുവഴി നിർമ്മാണ മേഖലയിൽ നേരിട്ടുള്ള 1,40,000 തൊഴിലുകളും റെസിഡൻഷ്യൽ ബിൽഡിംഗ് മേഖലയിൽ മില്യൺ അനുബന്ധ തൊഴിലുകൾക്കും അവസരം ലഭിക്കുമെന്നാണ് സർക്കാരിന്റെ പ്രതീക്ഷ.
ഓസ്‌ട്രേലിയയിൽ ആദ്യ വീട് വാങ്ങാൻ ശ്രമിക്കുന്നവരെ സഹായിക്കുക എന്ന ലക്ഷ്യത്തോടെ ഫസ്റ്റ് ഹോം ലോൺ ഡിപ്പോസിറ്റ് സ്കീം കഴിഞ്ഞ വര്ഷം പ്രഖ്യാപിച്ചിരുന്നു. വിലയുടെ അഞ്ചു ശതമാനം മാത്രം കൈവശമുള്ളവർക്കും വീടു വാങ്ങാൻ കഴിയുന്ന തരത്തിലാണ് ഈ പദ്ധതി.
എന്നാൽ പുതിയ ഹോം ബിൽഡർ പദ്ധതി കൂടുതൽ അവസരങ്ങൾക്ക് വഴിയൊരുക്കുമെന്ന് സർക്കാർ അറിയിച്ചു. കൂടാതെ സർക്കാർ പ്രഖ്യാപിച്ചിരിക്കുന്ന സ്റ്റാമ്പ് ഡ്യൂട്ടിയിലെ ഇളവുകൾ ഫസ്റ്റ് ഹോം ഓണർ ഗ്രാന്റ് എന്നിവയ്ക്ക് പുറമെയാണ് ഇത് .
People in Australia must stay at least 1.5 metres away from others. Check your state’s restrictions on gathering limits.
Testing for coronavirus is now widely available across Australia. If you are experiencing cold or flu symptoms, arrange a test by calling your doctor or contact the Coronavirus Health Information Hotline on 1800 020 080.
The federal government's coronavirus tracing app COVIDSafe is available for download from your phone's app store.
SBS is committed to informing Australia’s diverse communities about the latest COVID-19 developments. News and information is available in 63 languages at sbs.com.au/coronavirus.
