ഓസ്ട്രേലിയയിൽ ജീവിക്കുമ്പോൾ നേരിടേണ്ടി വരുന്ന നിരവധി പ്രശ്നങ്ങളെക്കുറിച്ച് ചർച്ച ചെയ്യുക എന്നതാണ് ഈ ചർച്ചാവേദിയിലൂടെ ഉദ്ദേശിക്കുന്നതെന്ന് വിക്ടോറിയ പോലീസ് അറിയിച്ചു.
ഇവിടുത്തെ ഇന്ത്യൻ സമൂഹം പല പ്രശ്നങ്ങൾ നേരിടുന്നുണ്ടെന്നും, ഇത്തരം പ്രശ്നങ്ങളിൽ പോലീസിന്റെ നയം എന്താണെന്ന് ജനങ്ങളെ മനസ്സിലാക്കിക്കൊടുക്കുക എന്നാണ് ഈ ചർച്ച കൊണ്ട് ലക്ഷ്യമിടുന്നതെന്നും ആക്ടിങ് സൂപ്രണ്ട് ഡാരന് കൂപ്പർ പറഞ്ഞു.
മയക്കുമരുന്നിന്റെ ഉപയോഗം, കുടുംബ പ്രശ്നങ്ങൾ, മാനസികാരോഗ്യ ബുദ്ധിമുട്ടുകൾ, ആളുകളെ കാണാതാവുക തുടങ്ങിയവ ഇന്ത്യൻ സമൂഹത്തെ അലട്ടുന്ന വിഷയങ്ങളാണ്.
ഇത്തരം പ്രശ്നങ്ങൾ കൈകാര്യം ചെയ്യുന്ന വിദഗ്ധർ അടങ്ങിയ സംഘമാവും പോലീസിനോടൊപ്പം ചർച്ചയിൽ പങ്കെടുക്കുന്നത്. തുറന്ന ചർച്ചയാണ് ഈ ചർച്ചാവേദിയിലൂടെ പ്രതീക്ഷിക്കുന്നതെന്ന് കൂപ്പർ അറിയിച്ചു.
ഫെഡറേഷൻ ഓഫ് ഇന്ത്യൻ അസോസിയേഷൻ ഓഫ് വിക്ടോറിയ (എഫ് ഐ എ വി ), ഫെഡറേഷൻ ഓഫ് ഇന്ത്യൻ ഒറിജിൻ മൾട്ടി ഫെയ്ത് ഓർഗനൈസേഷൻ, ഗുരുദ്വാര ശ്രീ ഗുരു സിങ് സഭ, സങ്കട് മോചൻ സമിതി തുടങ്ങിയ സംഘടനകളുടെ ആഭിമുഖ്യത്തിലാണ് ചർച്ചാവേദി സംഘടിപ്പിക്കുന്നത്.
ഇതിൽ പങ്കെടുക്കാൻ താത്പര്യമുള്ളവർ secretary@fiav.asn.au എന്ന ഇമെയിലിലൂടെ മുൻകൂറായി അറിയിക്കേണ്ടതാണ്.
ചർച്ചാവേദികളുടെ വിവരങ്ങൾ:
Hoppers Crossing
Date: 7-8.30pm, Wednesday 16 November 2016
Venue: Sikh Temple Hoppers Crossing Gurudwara, 417 Sayers Rd, Hoppers Crossing
Craigieburn
Date: 7-8.30pm, Wednesday 23 November 2016
Venue: Sri Guru Sabha Sikh Temple Gurudwara, 344 Hume Hwy, Craigieburn
Blackburn
Date: 7-8.30pm, Wednesday 30 November 2016
Venue: Gurudwara - Sri Guru Nanak Satsang Sabha, 127 Whitehorse Rd, Blackburn
Dandenong
Date: 7-8.30pm, Wednesday 7 December 2016
Venue: Federation of Indian Associations of Victoria, 3/85 Foster St, Dandenong
