വിമാനസർവീസുകൾ ഉടനില്ല: ഇന്ത്യയിലേക്കുള്ള വിമാനയാത്രാ വിലക്ക് വീണ്ടും നീട്ടി

ഇന്ത്യയിൽ ലോക്ക്ഡൗൺ നിയന്ത്രണങ്ങൾ ഇളവു ചെയ്യാൻ കേന്ദ്രസർക്കാർ തീരുമാനിച്ചെങ്കിലും, രാജ്യാന്തര വിമാനയാത്ര ഈ മാസവും സാധ്യമാകില്ല. യാത്രാ വിമാനങ്ങൾക്കുള്ള വിലക്ക് ജൂൺ 30 വരെ നീട്ടാൻ സർക്കാർ തീരുമാനിച്ചു.

Source: Wikimedia/mitrebuad

വിദേശത്തു നിന്നുള്ള എല്ലാ യാത്രാവിമാനങ്ങൾക്കും ഇന്ത്യയിൽ ലാൻഡിംഗ് അനുമതി തടഞ്ഞുകൊണ്ടുള്ള വിലക്ക് മാർച്ച് 22നായിരുന്നു കേന്ദ്രസർക്കാർ പ്രഖ്യാപിച്ചത്.

ആദ്യം ഒരാഴ്ചത്തേക്ക് പ്രഖ്യാപിച്ചിരുന്ന വിലക്ക്, പിന്നീട് പലതവണ നീട്ടിയിരുന്നു.

രാജ്യത്ത് സമ്പൂർണ്ണ ലോക്ക്ഡൗൺ നിലവിലിരുന്ന സമയത്താണ് വിമാനയാത്രാ വിലക്കും നീട്ടിയത്.

എന്നാൽ, ലോക്ക്ഡൗണിൽ ഇളവുകൾ പ്രഖ്യാപിച്ചു തുടങ്ങിയെങ്കിലും  യാത്രാ വിലക്ക് വീണ്ടും നീട്ടാൻ സർക്കാർ തീരുമാനിച്ചു.

വിദേശത്തു നിന്നുമുള്ള എല്ലാ വാണിജ്യയാത്രാ വിമാനങ്ങൾക്കുമുള്ള ലാൻറിംഗ് വിലക്ക് ജൂൺ 30 വരെ തുടരും എന്നാണ് ഡയറക്ടർ ജനറൽ ഓഫ് സിവിൽ ഏവിയേഷൻ വ്യക്തമാക്കിയിരിക്കുന്നത്.

അതിനു ശേഷം വിമാന സർവീസുകൾ അനുവദിക്കുമോ എന്ന കാര്യം ഇപ്പോൾ വ്യക്തമല്ല. ഓഗസ്റ്റ് മാസത്തിൽ വിമാനസർവീസുകൾ അനുവദിച്ചു തുടങ്ങാൻ സാധ്യതയുണ്ടെന്ന് വ്യോമയാനമന്ത്രി എച്ച് എസ് പുരി ടൈംസ് ഓഫ് ഇന്ത്യയോട് പറഞ്ഞിരുന്നു. എന്നാൽ ഇക്കാര്യത്തിൽ ഔദ്യോഗിക അറിയിപ്പൊന്നും സർക്കാരിന്റെ ഭാഗത്തു നിന്ന് വന്നിട്ടില്ല.

നിയന്ത്രണങ്ങൾ ഇളവു ചെയ്യുന്നതിന്റെ മൂന്നാം ഘട്ടത്തിൽ മാത്രമേ രാജ്യാന്തര വിമാനയാത്ര അനുവദിക്കൂ എന്നാണ് സർക്കാർ വ്യക്തമാക്കുന്നത്.

A snapshot of the Indian Ministry of Home Affairs order outlining guidelines for phased re-opening. Source: Twitter/Spokesperson for MHA

 

കൊറോണവൈറസ് ബാധിതരുടെ എണ്ണം റെക്കോർഡ് നിരക്കിൽ വർദ്ധിക്കുന്നതിനിടയിലാണ് ഇന്ത്യയിൽ ലോക്ക്ഡൗൺ ഇളവു ചെയ്യുന്നത്.

മേയ് 31ന് 8782 പുതിയ കേസുകളാണ് ഇന്ത്യയിൽ റിപ്പോർട്ട് ചെയ്തത്. ഇതാദ്യമായാണ് പുതിയ കേസുകളുടെ എണ്ണം 8,000 കടന്നത്.

രാജ്യത്തെ ആകെ വൈറസ് ബാധിതരുടെ എണ്ണം 1,90,000 കടന്നിട്ടുണ്ട്. മരണസംഖ്യ 5,400 കടന്നു.

എന്നാൽ ജൂൺ എട്ടു മുതൽ ഘട്ടം ഘട്ടമായി ലോക്ക്ഡൗൺ ഇളവുകൾ നൽകാനാണ് കേന്ദ്രസർക്കാർ തീരുമാനം. ഹോട്ടലുകളും, റെസ്റ്റോറന്റുകളും, ആരാധനാലയങ്ങളും ഉൾപ്പെടെയുള്ളവ തുറക്കാൻ സർക്കാർ അനുമതി നൽകിയിട്ടുണ്ട്.

എന്നാൽ ഓരോ സംസ്ഥാനങ്ങൾക്കും ഇക്കാര്യത്തിൽ അന്തിമ തീരുമാനമെടുക്കാൻ കഴിയും. 

People in Australia must stay at least 1.5 metres away from others. Find out what restrictions are in place for your state or territory.

Testing for coronavirus is now widely available across Australia. If you are experiencing cold or flu symptoms, arrange a test by calling your doctor or contact the Coronavirus Health Information Hotline on 1800 020 080.
The federal government's coronavirus tracing app COVIDSafe is available for download from your phone's app store.

SBS is committed to informing Australia’s diverse communities about the latest COVID-19 developments. News and information is available in 63 languages at http://www.sbs.com.au/coronavirus